Serchhip-ah tuialhthei a harsa mek

Tunhnaiah Mizoram-a Oil phurluh chungchang ah harsatna a thlen avangin Serchhip-ah pawh Petrol leh Diesel a harsa mek.
Thudawn danin tunhnaiah Mizoram a tuialhthei phurluttu ten Guwahati a\ang chauh tuialhthei hi an lakluh tawh avang leh hemi kawngah hian Driver ten harsatna an tawh avangin Serchhip-ah Petrol leh Diesel a harsatna mek a, nimin (Oct. 6, 2014) khan Serchhip a IOC Petrol Pump-ah chuan Diesel hi lak tur a awm mumal tawhloh avangin sorkar chuan a awm ang ang a control a, Petrol pawh Vawiin lam hian control a nih rin a ni bawk. Serchhip-a Petrol Pump nghaktute chuan Diesel hi tunkar chhunga lak tur a awm hman an rinloh thu sawiin, Petrol pawh hi tunkar ah rawn thleng a awm an rinloh thu an sawi a, hetianga Diesel lak tur a awmloh avang hian Diesel hmang chi lirthei, Maxi cab leh Truck \henkhat te chuan harsatna an tawk \an mek bawk a ni. Hetihlai hian Food Civil Supplies and Consumer Affairs Minister Pu John Rotluangliana chuan tunhnai Meghalaya a ni 5 chhung kawngpui danpin a nih vang te, Badarpur leh Lumding inkar rel kawng khar vangte leh hemi hnua Puja chawlh in a zui vangin tuialhthei hi a vang niin a sawi a, FCS&CA Department hotute chuan Petrol leh Diesel te hi Guwahati a\anga motor kawnga rawn lak vek a nih avangin tunhma angin thil a awlai tawhlo niin an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man