Accredited Journalists tana sorkar thuchhuah zawm an duh.

Mizoram Journalist Association (MJA) Gen. Hqrs. chuan Mizoram House leh Guest House hrang hranga thlenna chungchangah sawrkar thupek dinglai chu zawm an duh tih an sawi.
Inrinni kalta a thuchhuah an siamah MJA chuan North East hmun engemawzat leh Kolkata te fang tura Press Tour neia zin mek, Mamit District MJA member te leh anmahni \awiawmtu, MJA Gen. Hqrs aiawh leh IPRO te chu Oct. 16, 2014 a Guwahati Mizoram House a room ruahmansak an nih danah, sorkar thu dinglai pawisak lohna lian tak awm nia sawiin, MJA Gen. Hqrs chu a lawm lo hle tih an sawi a. Thuchhuah tarlan danin ‘Press Team te hian Guwahati Mizoram House hi Oct. 16, 2014 (Ningani) tlai dar 5 ah an thleng a, House Staff pakhatin an thlenna atana Room pangngai pakhat leh khum 10 awmna Dormitory an ruahman thu lo hrilhin, room dang chu a khat vek niin a sawi a. Press Team te thlen nan hian October 8, 2014 khan GAD a\angin reservation tih thlap a niin, sorkar thu dinglai anga Official on Duty a Group ‘A’ Officer tlukpuia enkawl tur ni si Dormitory a inhnawhkhawm tura tih an ni chu a lungawithlak loh hle a ni,’ an ti.
    MJA chuan Press Team ten Mizoram House an thlen lai hian Deputy Resident Commissioner Pu R. Lalremsanga chu a hmel hmuh tur a awm loh bakah, phone a biakpawh tuma nasa taka beihna pawh a hlawhtling lova. Hetih laia mikhual thleng mekte list enin, Deputy RC hian duh se chuan Press Team te tan hian room pangngai ve deuh chu a ruahman theiah an ngaih thu leh tihngaihna a awm ngang lo a nih pawhin \awngkam \ha a inhrilhfiah ni se an hrethiam thei em em dawn niin an tarlang a. Chutiang intuamdamna lam hawi \awngkam khat mah Dy. RC hnen a\anga hriat a ni lo leh, vawi tam biak tum pawha phone inlak duh loh khum chu Journalist te hmuhsitnaah an nga tih tarlangin, Accredited Journalist ten sorkara ham\hatna an neih ve chhun leh, sorkar pawhin ziaka a dahsak ve thlap palzut tumna leh engamaha ngaih lohna awm nia lang chu na tiin paidaih har an tih thu an tarlang bawk. Hetih rual hian MJA thuchhuah chuan heng Press Team te Shillong Mizoram House Deputy Resident Commissioner Pu Jakob Lalawmpuia’n \ha taka a lo dawngsawng leh VIP Team mikhual an lo nei mek chung pawha room awm thei ang ang a lo ruahmansak leh, a leng bak pawh a hnaivaia thlenna tur a lo zawnsak chu lawmawm an tih thu an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai