MPCC President Lal Thanhawla kaihhruai Mizoram sorkar thar lakluh a ni.

Inrinni kalta Dec. 14, 2013 khan Pu Lal Thanhawla kaihhruai sorkar thar chu lakluh a ni ta a, Chief Minister lakluh a nih rual hian Cabinet Minister atan mi 7 leh Minister of State atan mi 4 lakluh an ni bawk.
Mizoram sorkar thar Chief Minister Pu Lal Thanhawla kaihhruai lakluhna inkhawm hi Dec. 14, 2013 chawhma dar 11:00 khan Governor chenna, Raj Bhavan-a Circular Lawn-ah neih a ni a, Swearing-in-Ceremony \an remtihna, Chief Secretary Pi L. Tochhawng-i’n Larsap a dil hnuin, he inkhawm urhsun tak hi \an a ni a. A hmasa berin Chief Minister atan Pu Lal Thanhawla chu Larsap chuan rinawmna thu ‘Oath of Office & Secrecy’ tiam tirin Chief Minister atan a la lut a. Hemi hnu hian Cabinet Ministers atan Pu R. Lalzirliana; Pu R. Romawia; Pu Lalsawta; Pu H. Rohluna; Pu Zodintluanga; Pu PC. Lalthanliana leh Pu John Rotluangliana te chu a mal mal in ‘Oath of Office & Secrecy’ Larsap in a tiam tir hnuin lakluh an ni. Hemi dawt ah hian Ministers of State atan Pu Lal Thanzara; Pu Lalrinmawia Ralte; Pu C. Ngunlianchunga leh Dr. BD. Chakma te chu a mal mal in rinawmna thu ‘Oath of Office & Secrecy’ Larsap in a tiam tir hnuin lakluh leh an ni bawk.
    Tun \uma Minister lakluh thar zingah hian sorkar hmasa a Minister nilai ni 4 te chu an tel lo thung a, heng Minister lakluh ve takloh te hi Revenue Minister Pu JH. Rothuama, Art & Culture Minister Pu PC. Zoram Sangliana, Health Minister Pu Lalrinliana Sailo leh AH &Vety Minister Pu Nihar Kanti Chakma te an ni a, sorkar hmasa a Minister of State Pu PC. Lalthanliana chu Cabinet Minister atan lakluh a ni thung a, sorkar hmasa a Parlimentary Secretary to Chief Minister, Lal Thanzara chu Minister of State atan lakluh a ni a. A \umkhatna atana MLA a thlantlin, Tuichawng bial a\anga thlan Dr. BD. Chakma leh Lawngtlai West a\anga thlantlin Pu C. Ngunlianchunga te chu Minister of State atan lakluh nghal an ni bawk a ni.
    Tun \um hi Pu Lal Thanhawla’n \um nga (5) Mizoram Chief Minister dinhmun a luahna a ni a, hemi hma hian 1984 –1986 (1st Term); 1989 –1993 (2nd Term); 1993 –1998 (3rd Term); 2008 –2013 (4th Term) inkar te khan Chief Minister dinhmun hi a lo luah tawh a ni. Chief Minister Pu Lal Thanhawla hi tun Assembly in thlan tiamin, vawi 9 MLA anih na tur a ni a, kum 2013 hma hian 1978, 1979, 1984, 1987, 1989, 1993, 2003 leh 2008 ah te khan MLA atana thlantlin a lo ni tawh bawk a, tun \umah hian Serchhip bial a\angin thlantlin a ni. Mizoram sorkar thar lakluhna inkhawm ah hian ex-Chief Minister Pu Zoram-thanga; Lok Sabha MP Pu CL. Ruala, AICC Member Pu Eduardo Falerio; Assam Health Minister Pu Hemanta Biswa Sarma; Minister lo ni tawh engemaw zat; Mizo-ram Legislative Assembly 7-naah MLA te leh ex-MLA engemaw zat leh Mizoram Sorkar leh Mizorama Central sorkar hotu te an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai