YMA in Mautuai khawrh loh nan hmalak tum

YMA Sub-Hqrs. Serchhip chuan nikum lama hma an lo lak tawh angin kumin hian Serchhip leh a chhehvel ah mipui ten Mautuai an khawrh lohna turin hmalak leh nise an ti.
YMA Sub-Hqrs. Serchhip hian Inrinni kalta, May 24, 2014 khan YMA Sub-Hqrs. Office, Serchhip-ah Executive Committee Meeting neiin hemi chungchang hi an sawiho a. He hunah hian YMA Sub-Hqrs. Serchhip chuan Serchhip leh a chhehvelah Mau alo tlem tak zel avanga nikum lama Mautuai khawrh a nih lohna tura hma an lo lak tawh bakah kumin |hal ah Serchhip khawpui dai vel nasa taka a kan leh bawk avangin kumin ah hian mipui ten Mautuai an khawrh lohna turin hmalak leh nise an ti a. He an hmalakna atan hian Serchhip-a Village Council hrang hrangte chu an huamchhung \heuh ah Mautuai khawrh khapna thupek chhuah tura ngen nise tiin, mipuite hnenah pawh Mautuai khawrh lo tura ngenna hi a theih anga nasa a puanzar nise an ti bawk a ni. YMA Sub-Hqrs. Serchhip President, Pu RL. Chhuanawma kaihhruaia SEC \hukhawm hian Serchhip District huapin NGO hrang hrangte thawhhona tur, NGO Coordination Committee din \ha tiin hemi chungchang hi MHIP, MUP, MZP leh MSU te thla thar June 7, 2014 khian sawipui nise an ti a. Thla thar June 1, 2014 a\anga Serchhip-a Mistiri Association in an nikhat hlawh, Rs. 700/- a tihsan an tum chungchang chu Serchhip Town Rate & Wages Control Committee-ah thlen nise an ti bawk a. YMA Sub-Hqrs. Conference neih zawh taka sorkar khawih an thurel te chu a changtu Department thuneitute leh Minister te hnenah a \ul anga thlen nise an ti bawk.

Popular News