Mizoram-a eirawngbawlna Gas harsat vangin MDA in Mualkhang-a Gas Bottling Plant tlawh.

Mizoram in eirawngbawlna Gas-a harsatna a tawh mek chungchang ah Mizoram Democratic Alliance (MDA)-a MLA 5 te chuan nimin May 5, 2014 khan Mualkhang-a Gas Bottling Plant an tlawh.
Mizoram Democratic Alliance (MDA)- Pu Vanlalzawma, Pu Lalruatkima, Er. Lalrin-awma, Dr. K. Beichhua leh Pu Lalthanliana te hian Mualkhang Gas Bottling Plant Manager, Lalngaisang Khozol chu a office ah hmuin tunlaia Mizoramin Gas harsatna nasa tak a tawh leh Mizo mipuite tan theihtawp chhuah tura an duh thu bakah, a tul anih chuan IOC thleng pawha MDA MLA te chuan puih an inhuam thu an hrilh a. Plant Manager chuan, Mizoram chhunga Gas kan hman zawng zawng za-a 80 chu Mualkhang a\anga pekchhuah a nih thu sawiin, an hmunhma in a zo tawh lo tih a sawi a, a dah\hatna (storage) mamawh zat an neih loh avangin, harsatna an tawh thu leh Gas phurhluhte dah\hatna an neih tam loh avangin unload mai theih a ni \hin lo tih sawiin, kar khat chhungte gas phurtu motor an din \hin avang leh, chu chu IOC duh dan a nih loh avangin, harsatna an tawh phah thu a sawi a, an hmunhma chu Acre 11 niin, an tawt tawh avangin 25 Acre a zau tal ram an mamawh thu sawiin, a rang lama hmun rem leh zau zawka awm an chak tawh thu a sawi bawk.
    Hei bakah hian Plant Manager chuan, IOC chuan Consummer Card system anga Gas pechhuak tura tih a nih thu sawiin, hetihlai hian Mizoram-ah chuan Supply department leh Local Council/YMA etc. te ruahmanna anga kal a nih avangin chhungkaw hung deuh leh tlem deuh hrut rual hi harsatna kan tawh phah nia a hriatthu a sawi bawk.

Popular News