Joint VC in SAAB siam\hat leh an phut

Serchhip Town Joint VC Committee chuan Ser-chhip Town Site Allotment Advisory Board (SAAB) din thar ah Town chhunga VCP \heuh dah ve an nih loh chuan thawhpui loh nise an ti.
Inrinni kalta May 12, 2014 khan Serchhip Town Joint VC Committee hi Serchhip-V BNRGSK Hall-ah \hukhawmin tunhnaia Revenue Department in Serchhip khawpui huamchhunga In hmun tur ram in pek kawnga thuneitu, Serchhip Town Site Allotment Advisory Board (SAAB) a siamtharah Serchhip Town Joint VC Chairman chauh member atan telh a ni chu \ha tawk lo an tih thu sawiin, veng hrang hranga VCP \heuh te chu telh turin Revenue Department a thuneitute an ngen a, an ngenna hi tih hlawhtlin a nih loh chuan he Committee hi thawhpui loh nise an ti a ni. He \hutkhawm ah hian Serchhip khawpui chawm tura PHE tui lakna hmun panna motor kawng siam\hat thuai a \ul thu te, luia nungchate humhalh tura YMA nen \anrual a \ul thu te, Serchhip khawpui chhung kawng siam \hat hna thawh mek chu \ha taka zawh a nih theih dan tur te sawiho niin Serchhip-I a Auditorium sak mek thlang lam Retaining Wall chim hlauhawm siam thuai nan chak taka hmalak nise an ti a, Meeting zawh hnu hian helai hmun hi tlawh nghalin hnathawktu Contractor, BGM Consortium chu a rangthei ang bera retaining wall chu siam\ha turin an hrilh nghal a ni.

Popular News