Film letlingtu ten Meizuk khapna dan bawhchhe nasa.

/
Mizoram chhunga film letlingtute bakah film hlui chhuah \hin ten COTPA 2003 Section 5 (Vaihlo fawkmawi emaw tih lar emaw khapna) dan a bawhchhe nasa hle.
He thu hi Smoke Free Mizoram Coliation (SFMC) \hutkhawm nimin May 7, 2014-a Health Minister, Pu Lal Thanzara hova neih ah tarlan a ni a, he huna tarlan a nih dan chuan Meizu lai film-ah emaw a lang dawn a nih chuan Vaihlo \hat lohzia tarlanna (disclaimer) thuziak tih lan ngei tur a ni a. Hemi kawngah a kaihhnawih buaipuitute hrilh hriat a, hma la tur a ngen nghal nise tiin he \hutkhawm a tel te hian an rel nghal bawk. Hei bakah hian nimin a \hutkhawm ah hian sawt leh zuala vaihlo do dan tur te, COPTA dan kenkawh leh Gutkha ban kalpui zui dan tur te an rel bawk. Zirchianna thar ber Global Adult Tobacco Survey (GATS) 2010 in a tarlan dan in Mizoram-ah mipui 67% vaihlo hmang an awm a, hei hi India state zinga sang ber a ni a. Kumin kum tawpah GATS 2014 atan survey lak a ni dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »