Chanchinthar thenkhat :

Misual in In rawk

@@ Pathianni zan (May 4, 2014) inkhawm hlan khan Pu F. Ramdinpuia In, Chanmari Veng ami chu misual tu tih hriatloh ten rawkin Steel Almi-rah-a safe chu karchhia in a chhunga pawisa an dah, Rs. 52,000/- an la a. Hemi chungchangah hian Police-ah FIR thehlutin chhui zui mek a ni.

BSI Area Meet neih a ni
@@ Bible Society of India (BSI) Serchhip South Area chuan nimin May 5, 2014 khan Baptist Church of Mizoram (BCM) Serchhip Biak In-ah Area Meet an hmang a, he Meet-ah hian chawhma lamah an Area chhunga BSI hmalakna hrang hrangte ngaihthlak niin BSI chu Koh-hran tipumkhattu leh Kristian te rawng-bawlna tur diktak a nih thu te tarlan a ni a. Chawhnu lamah BSI in sum leh pai lama hma a lak dan thlirin, Bible neilo ten an neih theihna tura theihtawp chhuah a \ul thu pawh tarlan a ni bawk.

Group FMC Assembly
@@ Serchhip-a leilet neitute telna, Group Field Management Committee (FMC) chuan nimin khan Lalpuithanga Hall, Serchhip Chhim Veng-ah Assembly an nei a, he huna an thurel zingah Buhphunna rate chu nikhat ah Rs.400/- aia sanglo nise tiin Land Development sum rualkhai zawka sem dan turte pawh an sawiho bawk a ni. Group FMC Assembly-ah hian Agriculture Department in SRI hmanga Buh chin dan leh thil \ul chi hrang hrang leh Leilet siamtute tana hriattur pawimawh te zirtirin an pawl hruaitu tur thlangin President-ah Pu R. Vanlaldula chu thlantlin a ni.

District TT Championship
@@ Serchhip District Table Tennis Championship chu tun thla ni 8-10 chhung khuan New Serchhip TT Hall-ah khelh a ni dawn a, Category 8-ah intihsiakna neih tur niin a tel duh te tan naktuk chawhnu dar 1:00 thlengin Entry Fee pek theih a ni.

Popular News