Chanchinthar thenkhat :

Rakzu man hnem tawh

@@ Serchhip-a Excise & Narcotics Department chuan kumin January a\anga April thla tawp thleng khan Rakzu litre 353, Zu bilh lai |in 449, dawidim 2kg, Bel 28 leh Barel 9 man tawhin heng kaihhnawih ah hian mi 41 man in, case 42 ziahluh a ni bawk a, ruihhlo phur nana hman Auto Rickshaw 3 an man bawk a ni. Kumin ah hian January thla khan Rakzu man tam berin Litre 139 an man a, hemi thla hian zu bilh lai |in 80, Bel 6 leh Barel 9 manin mihring 16 man in case 13 ziahluh a ni a. Rakzu hi Feb. thla ah litre 63.450, March thla ah litre 94.300 leh April thla ah litre 58.075 an man bawk.

SDTTA hruaitu thar te
@@ Serchhip District Table Tennis Association chuan Zirtawp zan khan kum 2014-2016 chhunga an pawl hruaitu tur thlanna neiin President-ah Pu Lalduhawma Khiangte, Vice President-ah Pu T. Hrangsiama, Secretary-ah Pu Hrilmawia, Asst. Secretary-ah Tv. Lalchhandama, Treasurer-ah Pi F. Edenthari leh Fin. Secretary-ah Pu Vanlalzarliana te thlantlin an ni.

Lehkhabu tlangzarh dawn
@@ Vawiin May 12, 2014 tlai dar 3:00 hian Rev. PC. Nghaklianmawia lehkhabu ziah, ‘Li thuk lam panin’ tih leh ‘Fiji Lamtluang’ tih chu SCN Studio-ah Rev. Lallianzara, Serchhip chuan a tlangzarh dawn.

YMA in thilpek pe dawn
@@ Central YMA chuan kumin June 15-a YMA Day lo thleng tur den-chhenin \anpuina Rs.1,50,000/- sem-chhuah a remti a, India rama khawpui 10-a Mizo Welfare Association-te hnenah Rs.10,000/- \heuh \anpuina an hlan ang. Hei bakah hian |awng-\ai Bethel Camping Centre, Chawn-pui chu Rs.50,000/- hu eitur an hlan dawn bawk.

Aizawl-ah In 1 chim
@@ Nimin May 11, 2014 chhun dar 12:15 vel khan Aizawl Dinthar-I BCM Biak In bula Pu R. Lalthlamuana In, Assam type, chhawng thum chu a tawlh a, In tawlh lai hian In neitute hi an inkhawm avangin mihring thi leh hliam an awmlo a ni. He In hi an \hen-awm a Pu Lalhmingliana lungrem chim in a tawlhpui nia thudawn a ni a, luah zui theih a nih loh avangin Vawiin hian khawtlang in In hi hnatlang in an \hiat dawn a ni.

High Court-ah kal rel
@@Mizoram English Medium Sch-ool Owners' Trust (MEMSOT) chuan Mizoram sorkarin Private School, \anpuina engmah a pek si lohte fee lak zat tur a bithliah chu \ha an tih loh thu an sawi a. Hemi chungchangah hian sorkar a\anga thu lawmawm an hmu a nih loh chuan High Court-ah zualko mai nise tiin tunhnaia General Body Meeting an neih ah an rel a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.