Teak chingtu ten Kawrthah DFO Office an kalh sak.

Hachhek Teak Planters' Association chuan Teak Round log kal tir theih a nih loh avangin Kawrthah DFO Office chu nimin zing dar 9:30 a\ang khan an kalh sak a, Special Investigation Team (SIT) thutlukna PCCF Office a\anga DCF in Nov.4, 2013 a a tihchhuah chu an duhloh zia entirnan Office kawtah hian an hal nghal bawk.
Hemi chungchangah hian HTPA chuan thuchhuah siamin, "Kawrthah Forest Division huamchhunga Teak Planters ten Teak kan hralh theilo hi kan ngai thiam lova, kan lungawi lo hle a ni. PCCF Office a\anga Order lo kal, Deputy Conservator of Forests (Hqrs. Aizawl) Ref.No. B.13028/10/2013-FC/PCCF/20, dated Aizawl the 4th November, 2013 in 'further abeyance' (chawlh lailawk) tura min ti hi kan hrethiam lovin kan lungawi lo a ni. Working Plan in hralh theih hun a siam kan la pel lova, kan hrethiam lo a ni,” an ti a. Hetiang a nih avang hian Krismas pawh an huphurhin an mangang hle tih an tarlang a. ‘Sorkar hian a rang thei ang bera min ngaihtuah loh chuan a \ul dan anga hmalak zel kan tum a, he order tihchhuah hi kan pawm thei lo a ni tih hriattir nan kan hal e’ tiin Pu Rodingliana, Chairman, HTPA, Headquarters Zawlnuam chuan a hming a signed a ni.
    Hetihlai hian Pu Lalnunsanga Khawlhring, DFO, Kawrthah chuan, "Innawk buai leh innghirngho hi thil \ha a ni lova, keini hi chu Sorkar chhiahhlawh mai kan ni a, Teak Planters te dinhmun hi ka hrethiam em em a ni," a ti a, Sorkar thupek a nih avanga Sorkar thu anga kal zel chu an tih theih awmchhun a nih thu a sawi a, Supreme Court order zahawm tak chu halral lo turin ngenna a siam bawk. Hetianga ngenna a siam chung hian HTPA chuan Kawrthah Forest Division hnathawktu te an demlo tih sawiin, PCCF Office a\anga order lokal chu an huat ber a nih thu an sawi a, Office kawtah order hi an hal nghal a ni. Teak Round Log hi Kolasib Division hnuaiah chuan tluang takin a kal reng a, Kawrthah Division chauh hi dan pin niin HTPA chuan an sawi a, thil pawi thleng thei laka inveng turin SDPO Pu Lal\hakima hovin DFO Office hi an thleng nghal a ani.

Popular News

Mizoram-ah Faina Hapta hman \an leh a ni

Retailer bukna diklo 3 man