Assembly House-ah Larsap in thu a sawi.

‘NLUP chhunzawm zel a ni dawn’ - Larsap

Mizoram Legislative Assembly 7-na \hutkhawm hmasa ber neih mekah nimin khan Larsap, Pu Vakkom Purushothaman chuan member thlan tharte hmaah thuchah a sawi.
Mizoram Legislative Assembly 7-na \hutkhawm hmasa ber ni 2-na ah hian Larsap, Pu Vakkom Purushothaman chuan Member thar te chu lawmin an hnathawhna \heuh a tawnhriat ngah an nih angin Assembly hnathawhnaah a thawhhlawk hle tura a beisei thu a sawi a, ‘Indian National Congress in Sorkarna an lak leh chhan chu kum nga kalta a mipui tana an inpekna leh an thawhrimna avang a ni,’ tiin sorkar chuan mipui beiseina a tihhlawhtlin chhoh zel a beisei thu a sawi a, NLUP chungchang pawh sawiin Larsap chuan NLUP chu sorkar chuan a chhunzawm zel dawn thu sawiin, ‘11th Plan Period chhunga rampum GSDP za zelah 7.8 in a \han laiin hemi hun chhung hian Mizoram GSDP chu za zelah 11.0 in a \hang a, he GSDP \hanna ah hian NLUP in a thawh hlawk hle a ni,’ a ti bawk.
    Hei bakah hian Larsap chuan sorkar in infiamna chu a ngaihpawih chhunzawm zel tur thu sawiin, infiamna ruhrel hmun pakua-ah kalpui mek anih thu te, Olympic Vision 2016 kalpui anih thu te leh Catch Them Young Policy kalpui zel anih tur thu te a sawi a. Kawlphetha lamah intodelhna chu sorkar chuan a ngai pawimawh tih sawiin, hemi atan hian hma a la chho zel dawn tih a sawi a, MW 210 pechhuak thei Tuivai HEP siamna tur sum mamawh cheng vbc. 1750 a\anga vbc. 340 Viability Gap Funding kaltlanga tihfel a ni chu, hlawhtlinna pakhat a nih thu a tarlang. Hmasawnna peng hrang hrang atan inkalpawhna pawimawh zia chu sokarin a hria a, hemi atan pawh hma lak chhoh zel anih tur thu a sawi a. Kut hnathawktute ngaih-sak, humhim leh an hman\hatna te ngaituah a \ul thu pawh sawiin, hemi kawngah hian Mizoram Building and Other Construction Workers Welfare Board chuan an thawk \ha hle tih a sawi bawk.
    Larsap chuan zirna chu sorkar in a ngaih pawi-mawh ber te zing ami a ni zel dawn tih pawh sawiin, Mizoram in ziak leh chhiar thiamna lamah za zelah za kan nih theih nan Lawngtlai leh Lunglei District-ah Adult Education hnuaia Special Literacy Drive kalpui mek anih thu a sawi a, Zirna sang zawk atan ruhrel sak zawh leh sak mek engemaw zat a awm thu pawh a sawi a. Inrelbawlna thianghlim, felfai leh langtlang a awm zel theih nan sorkar chuan hma a lak zel tur thu sawiin, Vigilance Department leh ACB chuan hemi kawngah hian hna an thawk zel a ni, a ti a, Departmental proceedings 947 siamfel tawh a, 206 chu hlemhletna kaihhnawih a nih thu leh chung zinga 110 chu an chungthu rel a nih tawh thu pawh Larsap chuan a sawi a. Chhiatrupna thleng thei laka inven leh inralrin chu sorkar in a dah pawimawh zel dawn tih pawh sawiin, Ministry hmasa a State Disaster Management Authority \hukhawmin Armed Police Battalion zawng zawngah State Disaster Response Force Unit, company khat \heuh dah a rem tih tawh thu a sawi bawk. Larsap chuan mipuite chu sorkar thawh-pui zel tura sawmin, sorkar Programme hrang hrangte tuipui turin a chah a, ‘Mizoram hi state hmasawn bera kan siam theih nan theitawp chhuah turin mitin te a ngen a ni,’ a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man