10th Premier Schools Exhibition neih \an a ni.

Nimin khan Premier Schools Exhibition vawi 10-na chu Aijal Club-ah neih \an a ni a, Pi Esther Lalruatkimi, Secretary to Govt. of Mizoram chuan he Exhibition hi a hawng a ni.

Premier Schools Exhibition' hi Affairs Exhibitions & Media Pvt. Ltd. buatsaih niin, India rama zirna In \ha leh lar tak tak 18 zet an inphochhuak a. Central Board of Secondary Education (CBSE) leh Indian Certificate of Secondary Education (ICSE) te bakah International Baccalaureate (IB) leh Cambridge International Examinations (CIE) curriculam hmangte an ni. Exhibition hian a tum ber chu India rama sikul \ha ber ber te hmun khata platform siama nu leh pa te nen an fate zirnaa atana hmaichhanna inkawmna hun \ha siam a ni a. Nu leh paten an fate tan zirna zau zawk an duh ang an zawtfiah thei a. Spot admission thlengin a tih theih bawk. Hetiang hi hun vang tak a nih avangin a buatsaitute chuan exhibition tlawh tur hian nu leh pa te an sawm a ni. He hunah hian khuallian Pi Esther Lal-ruatkimi chuan hetianga zirlaite tana school \ha luh theihna tura hun remchang buatsaih a ni chu lawmawm a tih thu a sawi a, naupan lai a\anga school \haa luh chu puitlin thlengin zirna kawng tamtaka inbuatsaihna \ha tak a nih thu a sawi bawk. He Exhibition hi Vawiin ah chhunzawm leh a ni dawn a, zing dar 10 a\anga tlai dar 5 inkarah tlawh theih a ni ang.