Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

CEO hovin District tin DC leh SP ten inthlanpui thlirlawk.

Nimin tlai khan Chief Electoral Officer (CEO) Pu Ashwani Kumar leh Mizoram District pariat-a DC leh SP te chuan CEO office ah tun thla tawpa MLA inthlan lo awm tur atana inpuahchah dan an thlir ho a, inthlanna kaihnawih thil chi hrang hrangte an sawi ho bawk a ni.
CEO hian District tin te DC leh SP te chu an District dinhmun, inthlanna atana an inpuahchah dan, inthlan kaihnawih ruahmanna hrang hrang an kalpui dan leh dan leh thupek dinhmun te a thlirpui a. Meeting-ah hian Electoral Roll chungchangte, Voter Verified Paper Audit Trail (VVPAT) chungchangte, Flying Squad chungchangte, Postal Ballot Plan chungchangte, Polling Team chungchangte leh silai tun chungchangte an sawiho a ni. He hunah hian Security Deployment Plan duan tawh chu pawm a la nih loh thu Pu Ashwani Kumar chuan sawiin, Election Commission of India hotute chuan he Plan hi a la ennawm dawn avangin DC leh SP te chu inthlanna atana Security Force an mamawh belh chuan Election lamah thlen turin a chah bawk. He hunah hian CEO hi Jt. CEO Pu H. Lalengmawia leh Asst. CEO ten an \awiawm a ni.

Comments

Popular News (Last 30 Days)