Lenkawl

Mizoram tlawha rawn zin 14th Finance Commission Member te chuan nimin khan Chief Minister Pu Lal Thanhawla kaihhruaiin Mizoram sorkar hotu lian te kawmin thil pawimawh hrang hrang an sawiho.

Hnam Lam chi 10 entir dawn :

Mizoram sorkar chuan Krismas leh Kumthar vuakveta halpuah leh puak thei chi dang hal khapna chu kenkawh chhunzawm zel \ha tiin, sorkar buatsaiha halmawi hal chu chhunzawm tawh loh nise an ti bawk.

Zankhat riak a Mizoram sum mamawh te zirchiang turin 14th Finance Commission Member te chuan nimin khan Aizawl an rawn thleng a, Vawiin ah Chief Minister leh sorkar mi pawimawh te an kawm ang.

Mizoram Presbyterian Church, Synod chuan thuchhuah siamin Zu khapna dan - Mizoram Total Prohibition act 1995 chu a \ul anga thuamchaka hman zui zel a duh tih a tarlang.

Mizoram Peoples Conference (MPC) chuan thuchhuah siamin Zoram dinhmun chhe lutuk ta ah hian Congress Party chu a mawhphurtu ber a ni, an ti.

MPTA Sub-Hqrs. Conference nei

Mizoram sorkar chuan MCS Officer 33 te sawnna tur Order a tichhuak a, Serchhip-a Addl. DC, Pu Lalsangliana chu Transport Department-ah Joint Director tura sawnin Lawngtlai-a EO hna chelhtu, Pu VL. Remliana chu a rawn awm anga, Pu Lawmkima, SDO (Sadar) chu DLAO/DUDO hna chelh turin Champhai-ah sawn niin a aiah hian Sakawrdai-a SDO (C) hna chelh lai, Pu R. Lalnghakliana chu a rawn awm thung ang. Serchhip-a ASO turin Lalthangkhuma Gangte chu dah thar niin Serchhip BDO hna chelh mektu, Pu Vanlalrova chu he hna chelh zui tur hian dah a ni bawk.

Zeng hri umbo tura hmalakna kal mekah nimin khan Mizoram pumah naupang kum 5 hnuailam te Zeng hri danna pek leh an ni.

Chief Minister Pu Lal Thanhawla chuan politics leh kohhran hi ringtute zingah chuan lak hran theih a ni lova, inpuitawn leh inchawm-tawna kal tur an ni, a ti.