Zofate Chawlhbuk sak tum MNF in an thlawp

MNF party chuan MZP ten Bo-rapansury-a Zofate Chawlhbuk sak an tum chu an thlawp tih an sawi.
Hemi chungchang hi nimin June 17, 2014-a MNF Party thuneitu sang, National Core Committee Member (NCC) leh Political Affairs Committee (PAC) te \hutkhawm neih ah sawilan a ni a, he \hutkhawm a tel te hian MZP ten Bora-pansuri a Zofate Chawlhbuk sak tuma hmalakna an nei chu \ha tiin, an thlawp tlat tih an sawi a, Minister, Dr. BD. Chakma ho hiala MZP te thil tih tum dodala inthlan an boycott ta mai te chu Mizoram chhunga thil thlengah chuan thil zahthlak tak a tling tih sawiin, MZP te’n Chawlhbuk an sak theih ngeina turin theihtawpa thlawp zel \ha an ti.
    Hei bakah hian he \hutkhawm a tel te hian mipui nitin mamawh, a bikin eirawngbawlna Gas harsa lutuk chu Congress sorkar mawh liau liau a nih thu sawiin, midang mawh a dah mai lovin FCS&CA Minister leh Chief Minister te chu an mawha inbel ngama theih-tawp chhuah tura an duh thu an sawi a. Tun thla ni 14-a Mizoram khawthlang lam Rajivnagar a\anga km 12-a hlaa misual te’n mi pahnih (Bengali) mi ve ve an rubo chu an dem thu pawh sawiin, thudelhkilh engmah awm lova chhuah nghal turin rubotute an phut thu an sawi a. Helai Area hmun ngai hlira inrukbona 2013 - 14’ chhunga vawi 4 a thleng leh mi 13 laiin rukbo an tawk ta chu sor-kar mualphona leh Law & Order tlak-chhiat zia entirtu a nih thu tarlangin, ram chhung mipuite himna Congress sorkar hian a ngaihthah in \an a lak a ngai tak zet a ni, an ti bawk.

Popular News