Tuikuk raltlan te laklet hna \an a ni.

Tripura-a Tuikuk raltlan te laklet thawh 6-na chu nimin, June 17, 2014 khan neih \an a ni ta a, hriat theih chinah nimin khan chhungkaw 24 an lo let a ni.
Mizoram-a Tuikuk rawn kir te hi lo dawngsawnna tur hian hmun hnih ruahman niin Kanhmun Facilitation Centre-ah chhungkaw 20-a puitling 56 leh naupang 30 te rawn kirin heng mite hi Asapara camp a\angin chhungkaw 4, Naisingpara camp a\angin chhungkaw 12, Kaskai camp a\angin chhungkaw 1 leh Hamsapara camp a\angin chhungkaw 3 te an ni a. Heng chhungkua te hi Mizorama an awmna tur khua Saikhaw-thlir-ah chhungkaw 1, Sihthiang-ah chhungkaw 3, Kan-hmun-ah chhungkaw 1, Bawngva-ah chhungkaw 13, Za-muang-ah chhungkaw a leh Khan\huam-ah chhungkaw 1 te hruai an ni. Zomuantlang Facilitation Centre-ah chuan chhungkaw 4 lo letin heng mite hi puitling 29 leh naupang 1 niin an vai hian Naisingpara camp a\anga lo chhuak vek an ni a, Tuirum leh Damparengpui-ah chhungkaw 2 ve ve dah an ni ang. Facilitation Centre-ah hian Bru te hi Tripura Transit Camp a mi an ni ngei leh ngei loh enfiah an nih bakah, 1995 Mizoram Electoral Roll-a awm emaw a awmte thlah te an ni em tih leh an dinhmun te lo enfiah a ni a, an hriselna dinhmun te endik sak vek an ni a, an eitur buhfai kg 20 \heuh pek an ni bawk. Tuikuk lo let turte hi dodalna a awm avangin beisei angin an lo let \halo tih Mamit DC, Pu K. Lalthawmmawia chuan a sawi a, hetianga dodalna a awm avang hian Tripura sorkar pawhin hma lain Vawiin hian raltlan laklet hna hi thawh leh a ni ang.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.