Kawngpui tarlanna Map siam turin ruahman

Serchhip khawpui chhunga kawngpui hrang hrang te dinhmun kimchang taka tarlanna Map siam tuma rua-hman a ni.
Serchhip khawpui chhunga inkalpawhna kawng hrang hrang chungchangah hian Serchhip Joint VC te chuan niminpiah June 12, 2014 tlai khan PWD Serchhip Division-a EE, Pu Zothansanga chu a Office-ah kawmin Ser-chhip khawpui chhung kawngpui siam\hat a nih theihna tura hmalak dan tur an sawipui a, he hunah hian Pu Zothan-sanga chuan Joint VC-a tel VC te chu an area \heuha kawngpui awm dan, a sei zawng leh black top a nih leh nihloh te, siam\hat an duh hmasak dan indawt tarlanna Map siama a hnena thehlut turin a hrilh a. Heng an Map thehluh te hi hnathawhna tur sum haichhuahna atana hman a nih tur thu leh VC tin te tana File hran siama vawn\hat a nih tur thu leh hnathawh a nih dawn hunah a hmuna kala enfiahtu tur pawh an la inruat tur thu sawiin, VC te chu khawtlang tana theihtawpa thawhpui ah a sawm nghal bawk a ni. Hei bakah hian Pu Zothansanga chuan PHE Pipe line in kawngpui a tihchhiat te chu siam\hat zel a nih theih nana hmalak a tum thu pawh sawiin, Serchhip Bazar kawng peng\huama Electric Ban ding chu ngaihmawhawm a tih thu leh sawn a nih theih nana hma la tura VC te a beisei thu a sawi bawk a ni. Serchhip Joint VC hi Serchhip-V VC ten kaihruai mekin PWD EE an kawmna ah hian Town chhunga VCP te an tel \ha hle a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.