Chanchinthar thenkhat :

Serchhip-ah ITI dah tum

@@ Labour Employment and Industrial Training Director, Rotluanga chuan Mizoram State in ITI pahnih (2) kan neih belh dawn tih nimin a thuthar la-khawmtu  ten an kawmna ah sawiin, hei hi Serchhip leh Champhai-ah dah a ni dawn tih a sawi a. Hei bakah hian sorkar laipui in North East State tan bik ITI 14 din phalna a pek thar ah Mizoram in pali (4) a chang leh dawn tih sawiin, heng te hi Kolasib, Saitual, Khawzawl leh Hnahthial-ah dah tum a nih thu a sawi bawk.
###

ILP endik runpui nei
@@ YMA Sub-Hqrs. Serchhip te huaihawtin nizan (June 6, 2014) khan Serchhip khawpui chhunga YMA Branch hrang hrangte chuan Dan lova hnamdang, Mizoram-a awm te dapchhuakin Serchhip Police te nen ILP endik runpui an nei a. Phalna nei mumal lova hnamdang awmte chu Police te kutah hian hlan nghal zel an ni. Hetianga Serchhip-a ILP endik runpui neih rual hian Sub-Hqrs. huamchhunga Group hrang hrangte pawh he hmalakna hi lo zawm ve tura ngen niin hma an lak dan chiah erawh hriat theih ala ni rihlo thung a ni.
###

Khawtlang in In 3 sa
@@ Khawlailung VC leh tlawmngai pawl hrang hrangte chuan tunkar Ningani leh nimin (Zirtawpni) khan an khawtlang a mi harsa, mahni a In leh lo indin theilo tura an hriat mi 3 te In an sak sak a. Heng mite hi Hma-ngaihzuala, Ropuia leh Lalrintluanga te niin heng mite In sakna atan hian an khua a PWD Inspection Bungalow chak hlui leh mi tlawmngai te thawhkhawm hman a ni. Pu Hma-ngaihzuala hi a nupui zeng, khum-bet a awm niin Ropuia hi chhungkhat laina belhbul tur neilo a ni a, Lal-rintluanga hi mahni a awm, hrisello leh hna thawk theilo a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.