Tripura-a Bru Camp 6-ah vote 71.06% a tla.

 Tripura-a Bru Camp paruk-a Mizoram-a Lok Sabha seat khat atana inthlanna vote thlak zawhfel a nih hnuah Vote tlak dan kimchang hriat theih a ni ta a, he inthlanna ah hian vote zaa 71.09 a tla a ni.
Tripura Bru Camp paruk a mihring awm 35,000 vel zinga mi 11,243 te chu Mizorama vote nei an ni a, vote nei mi 11,243 zingah mi 7993 in vote thlakin hei hi za zela 71.09 a ni. Camp lian ber Naisingpara-ah chuan vote nei mi 5,922 zinga mi 4,120 in vote an thlak a, hei hi za zelah 69.57 a ni a, Asapara Camp-ah chuan vote nei mi 1,931 zingah 1,333 in vote an thlak a, hei hi za zela 69.03 a ni. Hazacherra Camp-ah vote nei 1,017 zingah mi 697 in vote thlakin hei hi 68.53 a ni a, Kaskau Camp-a vote nei mi 1,262 zingah mi 970 in thlakin hei hi za zela 76.86 a ni a, Khakchangpara Camp-a vote nei mi 392 zinga mi 302 ten vote thlakin hei hi za zelah 76.04 a ni a, Hamsapara Camp-a vote nei mi 719 zingah 571 in vote an thlak a, hei hi za zela 79.41 a ni bawk. Election Commission in rua-hmanna a siam angin heng vote tla te hi hmundanga vote tla te rualin May 16, 2014 khian Kanchanpur, Tripura-ah chhiar a ni dawn a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai