Tlawmngai pawl huaihawta Total Bandh neih mek khauh zawka kalpui turin ruahmanna siam a ni.

Mizorama pawl panga, YMA, MUP, MHIP, MZP leh MSU te chuan nimin (April 7, 2014) zing dar 5:00 a\anga darkar 72 chhung awh tur Total Bandh an huaihawt chu khauh zawka kalpui zel an tum.
Mizoram-a tlawmngai pawl hrang hrangte hian nimin zing dar 5:00 a\ang khan Mizo-ram hmun hrang hrangah Total Bandh huaihawtin he Total Bandh hi Lawngtlai leh Saiha District tihloh District dang zawngah chuan khauh taka kalpui a ni a, Total Bandh hi kalpui a nihna ah chuan mipui ten an thlawp \hain Sorkar Office, zirna In leh sumdawnna hmun te khar vek a ni a, khawi hmun a\ang mahin thil duhawmlo liantham a awm hriat a ni lo. Hetianga Total Bandh kalpui a nih lai hian nimin khan Pawl hrang hrang aiawhte leh Mizoram Sorkar aiawhte chu an inbia a, hetah hian Election Commission lamin April ni 15 ah inthlan hun sawn nise tia a rawtna chu sawiho a ni a, tlawmngai pawl aiawhte hian an phut ber chu Tripura Camp-a awm Bru te vote thlak chhiarloh a nih avangin inthlan hun sawn hlat ringawt chu an pawm theilo tih an sawi a. An thil phut ber tihhlawhtlin a nih loh chuan Total Bandh hi khauh zawka kalpui an tum tih tlawmngai pawl aiawhte chuan an sawi. Tlawmngai pawl aiawhte hian Bru te hi thla thum chhunga Mizorama an let theihna hun siam nise, thla thum chhunga let duhlo te chu Electoral Roll a\anga an hming paih nise tih Election Commission ah hian an rawt bawk a,  an thilphu hi tih hlawhtlin a nih loh chuan Total Bandh hi khauh taka kalpui zui zel nise an ti bawk.
    Tlawmngai pawl aiawhte hian Inthlan lo awm leh turah reng reng Bru ten Camp atanga vote an thlak tawh lohna tur emaw, Bru te a rang thei ang bera laklet hna kalpuia, a let duhlo te chu Electoral Roll a\anga paih tura Election Commission lamin thu a tiam theih chuan Bandh an huaihawt mek chu tihtawp an remti tih an sawi a, hetihrual hian Bru vote avanga thlan tlin an awm emaw, vote tla zawng zawng zinga za a 50 chu Brute vote a nih chuan Mizoram MP a thlantlin te chu inhnukdawk nghal turin an ngen tih an sawi bawk a. Hemi chungchanga Political party te thutlukna chu nizan dar 8:00 thlenga nghah an rel bawk a ni.

### Mizoram hmundangte rualin Serchhip-ah pawh Total Bandh hi kalpui a ni a. He Total Bandh hi Serchhip-ah pawh tlawmngai pawl hrang hrang 5-te huaihawta neih niin chhimlam a\anga Serchhip khawpui luhna, Sailiamkawn bakah Serchhip Bazar; Serchhip DC Office peng, IOC Veng leh Chhiahtlang luh dawnah te duty Post siam niin heng bakah hian khawpui chhung hmun hrang hrangah duty an awm bawk a, heng hmunah hian YMA Member, MHIP Member, MUP Member leh Zirlai Pawl hruaitute an duty a ni. Total Bandh hi zing dar 5:00 a\anga kalpui niin mipui ten Bandh hi an thlawp \ha hle a, Sorkar Office, Zirna In leh sumdawnna hmun zawng zawngte khar vek a ni a, Bandh-a duty, dan leh thupek kengkawhtute leh damlohna avanga damdawi In a kalpui ngai kal tihloh khawlaia hmuh tur an awm meuhlo a ni. Serchhip District-ah hian nimin lama Election duty-a chhuak tur Polling Party an awmlo a, ruahman lawk ang chuan nimin khan Polling Party te hi an hmanrua te endik tura tih niin amah-erawh chu hei hi thuneitute chuan an thulh pui a, hei vang hian he thu buatsaih lai thleng hian EVM leh inthlanna kaihhnawih hmanrua lakchhuah a awmlo a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni