Sorkar nena inremna tih hlawhtlinloh vangin MSU in na zawka sorkar nawr leh tum.

Mizo Students’ Union (MSU) chuan thuchhuah siamin kumin a zirna In te hawn a nih hnuah nikum (2013) a sorkar nen inremna an siam tawh ti hlawhtling tura hmalakna a awmlo nia hriain hmalak zui an tum tih an sawi.
 
Nimin a thuchhuah an siam ah MSU chuan Mizoram a sorkar School leh Private School hrang hrangte’n an an mahni duhthu a zirlai nu leh pa te hnena fee chi hrang hrang an khawn thin chu \ha tilo in Dan in a sawi ang taka Fee hi lak a nih theihnan hma nasa takin alo lak tawh \hin thu leh he an hmalakna avang hian School Education Directorate nen Dt. 29th, April 2013 khan inremna an siam thu an tarlang a. He inremna an siamah hian Mizoram Fiscal Reforms Committee Government School tana Fee chawi tur a ruahman/ bithliah chu revise a hun tawh thu leh a rang thei ang bera siam\hat a ni ang, tih te, Mizoram sorkar in Permission a pek School zawng zawng ten Academic session 2014-2015 a\angin zirlai te hnenah Admission Fee leh Fee dang an lak dawnin sorkar-ah phalna an la hmasa vek tur a nih thu leh Mizoram sorkar hnuaia Recognised Private Schools (Aided) Higher Secondary, Secondary leh Elementary ten Academic Session 2014-2015 a\angin zirlaite hnenah Admission Fee leh Fee dang an lak dawnin sorkar ah phalna an la hmasa vek tur a nih thu leh October 2013 ral hma ngeiin School Education Department in Private School te an dinhmun enfiah ‘Inspection’ neiin rules in a sawi Standard phak lo te, Zirna kal pui mumal tawh lo te leh Zirna kalpui tlak loh te chu an Permit Cancel sak thlengin hma a la ang, tih te a tel thu an tarlang a.
    Hetianga inremna felfai tak an siam tawh hnuah pawh hmalakna awmlo ang mai leh muang lutuk a sorkar a kal ta zel chu hriatthiam har an tih thu tarlangin, kum 2014 session atana zirlai naupang ten zirna an \an leh tawh hnuah pawh he inremna point pakhat mah tihhlawhtlinna thu sorkar lam a\anga ala hriatloh avangin na zawk a sorkar ngen a ngai leh dawn nia an hriat thu an tarlang a. April 2014 chhung ngeia an intiamna te hi a tihlawhtlinglo a nih chuan Mizoram zirna mumal zawk a akal theihnan leh zirlai leh zirlai nu leh pa te thlavang hauhin ke a pen chhuak leh ang tih he an thuchhuah ah hian an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai