Serchhip-a hmasawnna hna thawh mek te Chief Minister in a hmunah a tlawh.

Serchhip bialtu MLA leh Chief Minister ni bawk, Pu Lal Thanhawla chuan Inrinni, April 26, 2014 khan Serchhip khawpui chhunga hmasawnna hna hrang hrang thawh mek chu a hmunah kalin a enkual.
Chief Minister Pu Lal Thanhawla hian Serchhip Field No-I a Auditorium sak mek chu tlawhin Auditorium sak hna thawk mektu, NBCC-a hotute leh thawktu ten lo dawngsawngin hna an thawh mek dan leh an thlenchin te an lo hrilhfiah a, hei bakah hian he hna kal meka tih\hat ngai leh ruahmanna siam danglam hlek ngai te pawh thawktute nen hian an sawiho nghal bawk a ni. Serchhip-a Auditorium sak hna thawh mek hi kumin December thla ah zawhfel hman beisei a ni. Hetihlai hian he Auditorium sak mek kawt dawlzawlna tura Retaining Wall siam chhe leh ta pawh tunlai hian an \hiat mek nia thudawn a ni bawk.
    Serchhip-a Auditorium sak mek bakah hian Chief Minister hian sorkar hmalakna kallai mek hnathawh dangte pawh a hmunah enkualin,Dawngzawl rama Serchhip District Park, LAD Department ten a buatsaih chhoh mek te pawhin a hmunah kalin he Park atana tui lak chungchanga harsatna awm sutkian dan tur te pawh a enpui a. Hemi hnu hian Social Welfare Department in Kawlri tlang-a mirethei leh harsa zawk te tana Eklavia Residential School sak mek pawh a hmunah a tlawh bawk a. Serchhip Chanmari Veng-a General Nursing & Mid-Wifery School sak mek leh New Serchhip-a Boxing Hall sak mek te pawh a hmunah a tlawh nghal bawk a ni. Chief Minister Pu Lal Thanhawla hian Inrinni vek khan Serchhip chhuahsanin Aizawl a pan nghal a ni.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni