Chief Secretary in EVM chungchang sawifiah.

Mizoram Chief Secretary chuan thuchhuah siamin mi \henkhatin Vote thlakna khawl, Electronic Voting Machine tihkhawloh theih leh rintlak loh anga Cable TV leh chanchinbu hmanga thu an thehdarh chu thudiklo a ni tih a sawi.
Chief Secretary chuan District tin DC te hnenah EVM chungchanga an hmalak dan hi a zawtfiah a, DC tin te report a\anga a lan danin EVM te chu Election Commission of India ta a nih avangin Political Party leh Candidate-te kutah dah a ni ngai lova, DC Office-a a dahna tur bik (EVM Warehouse) ah uluk taka kalhin dah\hat \hin a ni tih a tarlang a, Vote thlakna atana hman a nih hma hian a siamtu Company Engineer-ten EVM khawlin hna a thawh \hat leh \hat loh endikna an nei hmasa vek \hin a. Hetiang hunah hian Observer bakah Political Party tin aiawhte pawh telin, an signature pawh lak vek \hin a ni a ti a. EVM zawng zawngah vote thlak chhina (mock poll) pawh neih vek thin a ni a ti.
    Inthlannaa hman EVM-te chu uluk taka siam Strong Room-ah dah nghal \hin a ni tih pawh thuchhuah ah chuan tarlangin, Strong Room te hi hmun hnihah kalh vek a ni \hin a. A kalhna Tala chu puanthema vehkual vek a nih hnuah thalhrit-a char \hin a ni a. Strong Room chu thuah thuma ven tlat \hin a ni a. A thuah chhung berah Central Armed Police Force awmin a dawtah State Armed Police an awm a, a thuah pawn berah Mizoram Police an awm \hin a ni, a ti a, MLA Election, 2013 ah khan Aizawl-a Strong Room pawn lamah chuan CCTV dah vek a nih bawk avangin Strong Room chhunga luh chu sawi loh, a bula kal ringawt pawh thil harsa tak a ni, a ti bawk. Chief Secretary chuan EVM chungchanga thu belhchian-dawllo thang vel avanga tumah chi-ai lo tur leh ngaih \ha taka vote thlak turin mipuite a ngen a, Inthlanna boruak muanawm tithuanawp zawnga thu belhchiandawllo thehdarhtute chu Cr.P.C Section 107-a hmanga hrem theih an ni, a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man