Zirlai mahni intodelh te hnenah elf-Support Award hlan a ni.

Students’ Self-Support Union (SSU) chuan General Assembly vawi 28-na a ni 2-na leh a kharna hun nimin khan hmangin Zirlai, mahni intodelh mi 3 (pathum) hnenah “Self-Support Award” an hlan bawk.
Nimin a SSU General Assembly-ah hian an President, Pu Zaithanmawia Chhangte chuan SSUchuan a dintirh ata a ze ngai hi kalpui zelin Zirna atana mahni intodelh leh kuthnathawh chawisan hi a kal pui zel a, a la kalpui zel dawn bawk a ni, a ti a. “Kan ram leh hnam hmangaihtu nia inchhal \hin te’n political platform thlenga kan insawi uar siak ‘Nationalism’ hi taimakna a\ang tak tak lo chuan neih leh vawn nun sen a ni lo,” tiin, “Thatchhiatna chuan retheihna te, dawihzepna te, kutdawhna te a hring a. Chutiang nun chuan kan zahawmna min chhuhsak a. Zahawmna ber kan hloh tawh chuan kan huaisen thei tawh si lova. Chutiang huaisenlo hnamah chuan hnam chimralna a thleng tawh \hin a ni. Chuvangin \hangtharte hian Nationalism hi kan sawi ve tak tak dawn a nih ngai chuan kan thatchhe thiang lo a ni tih hi i pawm phawt mai teh ang u,”a ti bawk. He hunah hian ‘Self-Support Award 2013’ dawng tura thlanchhuah Zirlai, mahni zirnaa intodelh, thawh hreh nei ngai lo mi pathum (3), H. Vanlalruattluanga, East. Lungdar; John H. Lalhmingthanga, Vaitin leh F. Lalmuanpuia, Tuithiang Veng, Aizawl te hnenah chawimawina citation leh tangkafai a hlan a ni a, heng mite hnenah hian he Assembly-a Chief Guest, Pi P.C. Lalawmpuii chuan chawimawina te hi a hlan a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai