Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip Police Station-ah Legal Aid Clinic

Serchhip khawchhunga-a Legal Aid Clinic pathumna ni turin nimin khan Serchhip Police Station-ah Legal Aid Clinic chu hawn a ni.
Serchhip Police Station-a Legal Aid Clinic hi Serchhip District Addl. DC, Pu Lalsangliana chuan hawngin Mizote chu dan hriatna lama kan la hniam thu leh hemi kawnga hmasawnna kan mamawh thu a sawi a, chutiang atana mipui ban phak, dan lama inkaihhruaina leh inkawhhmuhna tur hmun hawn a ni chu lawmawm a tih thu a sawi a, dan hriat lohna hian thiam min chantir loh avangin mahni inhumhim nan leh khawtlang thila hma kan laknaah te pawh dan hre chunga tih zel hi a him a ni tiin dan hriatna lama kan harh thar a \ul hlea a hriat thu a sawi bawk. He Clinic thar hawnna inkhawm kaihruaitu, Pi Lalrochami Ralte MJS, Secretary, Serchhip District Legal Services Authority leh Civil Judge/Judicial Magistrate ni bawk chuan kaihruaiin Legal Aid Clinic nihphung leh an hnathawhte a sawifiah a, Serchhip District chu tun dinhmunah Jail-te a la awm rih loh avang leh Ukil an awm ve loh avangin Legal Aid Clinic enkawltu Para Legal Volunteer (PLV) te chu an pawi-mawh lehzual a ni tiin dan hriatna lama mipuite kaiharhtu leh harsatna nei te \ha taka lo \anpui \hintu ni turin a chah a, Serchhip District chhunga Police Station zawng zawng ah hetiang clinic hi hawn vek tum a nih thu a sawi bawk. He hunah hian Pu LB. Tluanga, Addl. SP chuan Para Legal Volunteer te hnenah card a sem nghal bawk a ni.

Comments

Popular News (Last 30 Days)