Serchhip News tawi :

ZNP Campaign Office lo khawih

@@ MPF Serchhip District chuan nimin khan thuchhuah siamin Serchhip ZNP Campaign Office-a an Flag leh Poster te chu mi tu tih hriatloh ten Dt. 7.11.2013 (Thu) zan khan lo khawihin an lo pawtthla vek niin an tarlang a. He thil thleng hi pawi an tih thu leh tunhnuah chuan political party hrang hrangte Poster leh Banner tar te hi mi tuman khawih lo tur leh lo tihchhiat saklo turin mi zawng zawngte an ngen tih an tarlang bawk.

Main Exam result chhuak
@@ Mizoram Public Service Commission (MPSC) chuan kumin August 22 leh Sept. 4 inkara Mizoram Civil Services (Combined Competitive) Main Exam a buatsaih result chu nimin khan tichhuakin Candidate mi 222 zingah mi 196 ten exam hi zofelin an zinga mi 46 te chu Personal interview nei turin an tling a. Heng mi 46 zingah hian Serchhip a\anga Exam zingah CMS. Dawng-liana, New Serchhip Bazar Veng, Lalnunfela Chawngthu, Field Road leh Lalrinmawia, Chanmari Veng te an tel a ni.

Kum 75 tlin lawmna zofel
@@ Serchhip-a YMA din kum75 tlin lawmna Serchhip Vengchung Branch YMA huaihawta neih chu nizan khan kharna neiin zawhfel a ni ta a, nimin a he kum 75 tlin lawmna hun hi Central YMA a\ang pawhin an President, Pu Lalbiakzuala leh hruaitu dang ten an rawn hmanpui bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man