Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip News tawi :

Mi 3 in Nomination file

@@ Assembly inthlanpui neih tura Serchhip District chhunga Assembly bial pathum-a inthlan chuh tumte chuan nimin khan Nomination an file \an a, Nomination File hi nimin khan mi 3 awmin 27-Tuikum Assembly Constituency chuh turin Er. Lalrinawma Mizoram Democratic Alliance (MDA) candidate leh P.C. Vanlalruata (ZNP)  candidate ten Nomination hi file in 28-Hrangturzo Assembly Constituency chuh turin H.Lalduhawma (ZNP) candidate chuan Nomination hi a file bawk a, heng mite hian thutiam an la nghal a ni.


Campaign Office hawng
@@ Congress Party in Serchhip Bazar-a Campaign Office an siam chu nimin khan an party Block Pre-sident, Pu Lalramliana Sailo chuan a hawng a, he hun hmanpuitu MPF Serchhip District President, Pastor H. Lallianzara chuan he Office hi thianghlim tak leh Pathian \ihna nen hmang turin a chah bawk.


Catholic Nuho khawmpui
@@ Mizoram pum huap Diocese Catholic Hmeichhe inkhawmpui chu zanin a\ang hian Our Lady of Assumption Church, Serchhip P&E Veng-ah neih a ni dawn a, thupui ah ‘Rinna chu thiltih tello chuan thi a ni’ tih hman a ni anga, Rev. Father Jerome Vungbiakdika, Aizawl Cathedral Church chu Speaker atan hman a ni ang.

Lirthei chesual
@@  Nizan hmasa dar 10:00 rik hma hret khan Pu Chuai-lova, Serchhip Vengchung ami Motor leh ama khalh, WagonR Car chuan Serchhip Dinthar Veng-a Pu Lalthluma te In kawt lungrem chu a su a, he Motor ah hian mi 3 chuangin Pu Chuailova hian hliam tuarin Serchhip damdawi In ah enkawl mek a ni.

Comments

Popular News (Last 30 Days)