SERCHHIP-AH SVEEP RALLY NEIH ANI DAWN


Nimin chawhnu dar 3:00 khan Serchhip DC office chamber ah District Bawrhsap, District Election Officer ni bawk Pi Juhi Mukherjee, IAS hovin Systematic Voters’ Electoral and Education Participation (SVEEP) meeting neih a ni a, SVEEP Rally neih dan tur an sawiho a ni.
Nimin a SVEEP thukhawm chuan mipuite hnena vote thlak pawimawhzia leh voter te inthlanna a tel tura zirtirna kawng pakhat atan November ni 16, 2013 (Inrinni) zingkarah hian Serchhip bazarah Rally neih nise tiin a rel a, Serchhip khawpui chhunga YMA Branch tin te, zirlai zawng zawngte leh Sawrkar hnathawk zawng zawngte tel vek tura beisei an ni a, programme kimchang ruahman thuai a ni bawk ang. Serchhip khawpui bakah hian Khawlailung leh Chhingchhip-ah SVEEP Rally hi buatsaih tura ruahmanna siam a ni bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai