Mizoram Assembly inthlanpui neih turah mi 142 te Nomination Paper pawm a ni.

Mizoram Assembly inthlan tun thla ni 25-a neih tura hming pekluh mi 142-te nomination lehkha chu Inrinni khan endik a ni a, Serchhip District-a Tuikum biala mi pakhatin Nomination 2 a thehluh zinga pakhat erawh chu hnawl a ni thung.
Mizoram-a Assembly inthlanpui neih tura hming pekluh huna hming pekluh te chu Inrinni khan District hrang hrangah enfiahna neih a ni a, hemi hnua District 8-a District Election Officer nihna chelhtu Bawrhsap \heuhte sawi danin Serchhip district-ah tih loh chuan Nomination lehkha hnawl a awm lova. Serchhip District-ah pawh hian Tuikum biala candidate 1 chuan hming 2 in Nomination a thehlut a, pakhat zawkah a Bank Account a ziahlan loh avangin a hming hi pakhat zawk hi hnawl a ni ta a, tun dinhmuna Party hrang hrang leh Independent a ding Candidate awm dan chu Indian National Congress in seat awm zawng zawng, seat 40 a chuh kim vek a, MNF, MPC leh MDF \angrual Mizoram Democratic Alliance invuah pawhin seat 40 an chuh a, MNF in seat 31, MPC-in seat 8, MDF in seat 1 changin ZNP in seat 38 a chuh a, BJP in seat 17, NCP in seat 2, Independent-in seat 3 bakah Zoramthar Duhtu pawlin seat 1 leh Jai Maha Bharat Party (JMP) Candidate-in seat 1 a chuh bawk a ni.
    Tun \uma Assembly inthlanpui neih turah hian Candidate tlem berna Palak bialah chuan Congress candidate Pu Hiphei leh MDF candidate Pu PP. Thawla te an in mal beih dawn a, mi pathum inchuhna bial 19 a awm bawka chung bialte chu Tuirial, Chalfilh, |awi, Aizawl East-II, Aizawl West-II, Aizawl West-III, Aizawl South-I, Aizawl South-II, Aizawl South-III, Tuichang, Tuikum, Lunglei East, Lunglei West, Lunglei South, Thorang, Tuichawng, Lawngtlai West, Lawngtlai East leh Saiha te an ni. Bial khata candidate 4 awmna bial 17 a awm bawk a, chung bialte chu, Dampa, Kolasib, Serlui, Tuivawl, Aizawl North-I, Aizawl North-II, Aizawl North-III, Aizawl East-I, Aizawl West-I, Lengteng, Champhai North, Champhai South, East Tuipui, Serchhip, South Tuipui, Lunglei North leh West Tuipui te niin Bial khat mi 5-in an inchuhna bial 3-Hrangturzo, Mamit leh Hachhek bial te a awm bawk.

Popular News

Mizoram-ah Faina Hapta hman \an leh a ni

Retailer bukna diklo 3 man