Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Assembly inthlanpui chuh turin mi 142 ten Nomination an file.

Tun thla ni 25-a Mizoram Legislative Assembly inthlanpui neih tur atana hming pekluh hun chu nimin tlai dar 3:00 khan khar a ni ta a, hriat theih chinah he inthlanna chuh tur hian mi 142 ten hming an pelut a ni.
Mizoram Legislative Assembly 7-na din tura tun thla ni 25-a inthlanpui neih tura hming pekluh hun hi nimin tlai dar 3:00 khan a tawp a, he inthlan chuh turte tana hming pekluh hun hawn chhung hian hriat theih chinah mi 141 ten hming pelutin Aizawl District-a Assembly bial 14 chuh turin mi 49 in an hming an pelut a, Assembly bial 7 awmna Lunglei District ah he inthlan chuh tura hming pelut hi mi 23 awmin Assembly bial 5 awmna Champhai District ah hming pelut mi 19 an awm a. Assembly bial 3 awmna Kolasib District-ah hming pelut mi 11 awmin Ser-chhip-ah mi 12 in an hming an pelut bawk a, Assembly bial 3 awmna Mamit District-ah chuan inthlan chuh tura hming pelut mi 14 awmin bial 3 vek awmna Lawngtlai District-ah hming pelut mi 9 awmin Assembly bial 2 awmna Saiha District-ah hming pelut mi 5 an awm bawk a ni.
    Seat 40 awmna Mizoram Legislative Assembly inthlanpui neih turah hian rorellai Indian National Congress (INC) chuan seat 40 hi Party malin an chuh vek a, MNF, MPC leh MDF te chu thawkhoin Mizoram Democratic Alliance (MDA) hmingin he inthlanna hi an chuh dawn a, MNF hian Seat 31 changin MPC hian seat 8 leh MDF in seat 1 an chang a, ZNP chuan party mala he inthlanna hi chuhin bial 40 awmah bial 38 an chuh dawn a, BJP chuan bail 40 awmah Candidate 17 an siam bawk a ni. Party hrang hrang President te pawh an diina tur hriat chian theih a ni ta a, MPCC President, Pu Lal Thanhawla chu a bial ngai Serchhip bakah Hrangturzo bial-ah a ding anga, MNF President Pu Zoramthanga chu East Tuipui bial-ah dingin ZNP President, Pu Lalduhoma chu a bial ngai Aizawl West-I bakah Kolasib-ah a ding dawn bawk a, MPC President, Pu Lalhmangaiha Sailo chu Aizawl East-I bial ah a ding dawn bawk a ni.

Comments

Popular News (Last 30 Days)