Hnam rohlu 33 humhalh turin puang

Mizoram sorkar, Art and Culture Department chuan INTACH pawl rawtna angin Hnam rohlu 33 te chu humhalh turin (Protected monuments) MAMARS Act hmangin a puang leh ta.
Hemi chungchanga Pu P. Rohming-thanga, Convener, INTACH Mizoram Chapter sawi danin heng Hnam rohlu nia puan thar zinga a tam ber chu sorkar In hlui Inspection Bungalow (IB kan tih mai) te, hmanlai damdawi In leh a thawktute chenna In te, kan Missionary te In leh an kut chhuakte, Police Station hluite an ni. Dec. 2008 khan chutiang hmun pawimawh 47 chu humhalh tura puan an lo ni tawh a, chung zinga pakhat Bawrhsap In \hin, tuna Raj Bhavan chu sorkar in a telh leh lova. Chumi tiam lo chuan humhalh tur a puan zawng zawng chu 79 an ni ta.
    Heng puanthar 33 te zingah hian Mizorama In hlui ber nia hriat Tlabung khuaa Post Office kum 1872 a sak a tel a. He Post Office hian chei \hat a mamawh tawh hle a, a neitu Posts and Telegraphs Department chuan \hiah an tum hial a. INTACH pawlin \hiat lo hram tura an ngenna ngai pawi-mawhin an tum chu an \hulh ta a. Protected monument a puan a nih hnu hi chuan Postal Department chuan ‘heritage buildings” tana sum an neih \hin hmangin an chei \ha thei dawn ta a. Hemi rual hian Tlabung Police Station, Mizoram-a PS hlui ber nia hriat, kum1872 vel bawk a sak pawh a tel.
    Tin, kum 1890 a sak Sairang Police Outpost leh Sikul In hlui ber Sikul Sen, 1902-a sak, Mizoram-a Dispensary hlui ber, 1896 a sak Aizawl Civil Hospital Compound chhunga mi, leh Indopui vawihnihna laia Japanese thlawhtheithnain an lo kah tawh, tun thlenga silaimu hnuhma te pawh hmuh tur la awm a, North Vanlaiphai Dispensary leh Inspection Bungalow hlui tak tak |hiak, Sialsuk, Paikhai, Kawl-kulh, Tawitaw, Kolasib, Bung, Tlabung, Lungsen te pawh an tel a. Hmanlai Missionary te In hlui 1907 a sak, Sap Upa (FW Savidge) leh Pu Buanga (JH. Lorrain)te In, Durtlang-a Pi Puii (Robert Hughes) In 1927 a sakte, tuichawina In hlui ber Serkawn khuaa kum 1903a siam leh Baptisma channa atana Missionary ten 1893a an siam te pawh an tel. INTACH Mizoram Chapter chuan Art and Culture Department hnenah lawmthu a sawi a, heng hnam rohlute hi sorkar kuta dah mai lovin khawtlang hruaitute leh pawl hrang hrang ten mahni khua leh veng theuh ah tan lo la zel turin a ngen a ni.

Popular News

Mizoram-ah Faina Hapta hman \an leh a ni

Retailer bukna diklo 3 man