Election General Observer hovin thuneitute leh party aiawhte \hukhawm.

Assembly inthlanpui neih tura Serchhip District chhunga General Observer te, Returning Officer te, MLA Candidate leh an Agent te chuan niminpiah tlai khan inkawmhona hun \ha tak an nei.
He inkawmhona hun hi Serchhip DC’s Meeting Room-ah District Election Officer, Pi Juhi Mukherjee kaihhruaina in neih a ni a, he hunah hian Election Commission of India in inthlan kalphung thar chi hrang hrang a duan te inhrilhfiah a ni a, ECI in campaign hmanrua atana hman a phal chi hrang hrang te list chu candidate te hnenah hlan niin ngaipawimawh tura chah an ni a; Candidate te chu an party in ‘Star Campaigner’ te hming an thehlut lo anih chuan an party hruaitu ten an din tumna constituency an rawn tlawh anih chuan an cham chhunga an senso zawng zawng, an Travelling expenses thlengin an kalna constituency a ding tur party candidate election sum senso ah chhut tel anih dawn thu hriattir an ni a, Star campaigner in candidate te a huhova a rawn campaign sak anih chuan hemi atana senso zawng zawng hi Candidate a campaign sak te senso a dah lut turin hrut rual a ni ang tih hrilhfiah an ni bawk.
    Candidate te hi Model Code of Conduct, Electoral Offences leh Expenditure Monitoring chungchang an hriattur pawimawh te hrilfiah niin zawhna leh chhanna hun hman a ni bawk a, Mock poll chungchangte, Electronic Voting Machine leh vote thlak tan a\anga a tawp thlenga thil buaipui chungchangah anmahni Polling leh Counting Agent \heuh te mumal leh felfai taka training pe turin ngen an ni a, Election Expenditure an chhinchhiahna Register te endik dan tur leh endik hun tur te pawh Candidate te hi hriattir nghal an ni. Inthlanpui neih tur atan hian General Observer mi 3 te chuan Serchhip District an \hutchilh mek a, heng mite hi Pisa kai ni-ah chawhnu dar 3:00 leh 4:00 inkarah biak theih reng an ni bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai