CEC in Inthlanpui inbuatsaihna hrang hrang hrilhfiah.

Mizoram Assembly intlan buatsaihna thli thlai a lo kal Chief Election Commissioner  Pu V.S. Sampath leh Election Commissioner 2, Pu H. S. Brahma leh Dr. Zaidi te chuan nimin chawhma khan New Secretariat Complex Conference Hall-ah Press Conference an nei a, tualchhung chanchibu mite an tel \ha hle.
Chief Election Commissioner Pu V.S. Sampath chuan inthlanna tur state hrang hranga inbuatsaihna an thlithlai zawh hnuah a khai-khawmna ni pahfawma chanchinbu leh thuthar thehdarh tute hmaa Press Conference an neih \hin chu Election Commission of India kalphung anih thu a sawi a. Mizoram chu inthlan chungchangah state dangte entawn tlak a nih thu te, inthlanna fel leh fai, ralmuang leh zalen neih theihna tura mipui mimir \awiawmnate chu fakawm a tih zia a sawi hmasa a. Mizoram an rawn tlawh \uma inthlan kaihhnawih mi pawimawh hrang hrang sorkar thuneitu lian ber ber leh invenna kawnga mawhphurtute thil awmdan an sawipui te chu khaikhawmin \ha thawkhat hle a, Commission in a hmuh thu chanchinbu mite hi a hrilh a ni.
    Mizoram mipui duh dan anga inthlanni leh vote chhiar ni sawn danglam anih tak thute sawiin, a tam thei ang berin inthlanna ah an vote hlu tak an thlak theih ngei a beisei thu a sawi a, hmun dangah chuan political party hruaitute an kawm \hin chu duh tawkin Mizoram-ah erawh chuan civil society te chu inthlan chungchanga thawh hlawk tak an nih \hin avanga anmahni kawmna hun an buatsaih thu a sawilang bawk. Bru raltlante chungchang bik tarlangin CEC chuan Tripura refugee camp a vote thlakna turah hian a dik leh felfai thei ang bera thil kalpui tum anih thu te, chumi atana Tripura CEO pawh hriattir anih thu leh Special Drive kalpui mek pawh uluk taka ennawn leh anih tur thu a sawi a, rinhlelh leh ngaih\hat lohna tur awmlo thei ang bera ruahmanna chak taka buatsaih a ni a ti. A vawikhat nan rampum huapa VVPAT  hman tur pawh Mizoram bikah chuan Aizawl khawpui Assembly bial 10 ah hman tum a nih thu sawiin, Candidate te tan an sum sen hmanral chungchangah workshop buatsaih anih tur thu leh phalna chi hrang hrang RO hnen a\anga an lak \ulte awlsam taka chhawp-chhuah tak an nih dante a sawifiah bawk a ni. Chief Election Commissioner leh a \huihruaite hian tualchhung thuthar thehdartute chu thawhpuiah sawmin mipui thlan sorkar-na siam tura vote neitute mawhphurhna leh tih tur bakah mipui mimirin inthlan boruak thianghlim tak an neih theihna tura tanlak puiah an sawm a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai