Vawiin atangin Mizoram Legislative Assembly Budget Session neih a ni dawn

Mizoram Legislative Assembly Budget Session chu Vawiin, March 14, 2017 a\ang hian neih \an a ni dawn a, tun thla ni 30 thleng a awh ang.
Vawiin a Mizoram Legislative Assembly Budget Session \an Ni hian Governor, Lt. Gen. Nibhay Sharma chuan House-ah thu a sawi ang a, hemi hnu hian Governor thusawi chungchanga lawmthu sawina Motion chu pulutin inkhawm tihtawp zui a ni ang. Naktip March 15-ah Session neih kar laka boral Mizoram MLA pahnih- Zosiama Pachuau leh C. Lalruata bakah Tamil Nadu Chief Minister boralta, J. Jayalalitha te sunna hun hun hman a ni anga, zawhna leh chhanna hun hman zui tur niin, Governor thusawia lawmthu sawina Motion chu sawi hovin pass tum a ni ang.
Ni 16.3.2017 (Ningani)-ah Finance Minister, Lalsawta chuan kum 2017-2018 Mizoram Budget leh kum 2016-17 a sorkar sum dil belhna 'Supplementary Demand' a pharh anga, Zirtawpni-ah Private Member Resolution sawiho a ni ang. Ni 20.3.2017 (Thawh\anni) ah Supplementary Demand leh Budget a tlangpuia sawihona neih a ni anga, ni 21.3.2017 a\angin Minister hrang hrangte demand sawiho \an a ni ang. Speaker hova Business Advisory Committee in ruahmanna a siam dan chuan Session hian ni 30.3.2017 (Ningani) thleng a awh dawn a ni.
He Session neih tur atan hian House chhunga \awngka a chhan chi zawhna (starred question) 421 leh ziaka chhan chi zawhna (Unstarred question) 73 bakah sorkar Bill pakhat (1) a lut tawh a. Bill pakhat lut hi Revenue Department aanga lut 'The Mizoram (Land Acquisition Rehablitation and Resettlement) (Amendment), Bill 2017' a ni a, hei bak hi Bill lut dang a la awm lova. Paper lay tur 10 leh Private Member Resolution 75 a lut tawh bawk.
Vawiin a\anga \an tur Mizoram Assembly Budget Session-ah hian House-a pharh turin CAG (Comptroller and Auditor General of India) report chu peih hman a nih dawn leh dawn loh hriat a ni lo a. Thudawn danin Assembly inkhawm chhung hian CAG report \henkhat House dawhkana pharh tura ruahman a ni a, Audit Report erawh peih hman a nih dawn leh dawn loh ala hriat loh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man