Serchhip-ah ZEM din a ni ta

Inrinni zing khan Zoram Exodus Movement (ZEM) Serchhip chu din fel a ni a, hruaitu turte pawh insiam fel nghal a ni.

Serchhip a Party zawm bik nei lo-a ram veitu \henkhat chu Inrinni zing khan Serchhip Bazar-a Upa K. Chawiliana te In-ah inhmukhawmin Zoram Exodus Movement (ZEM), Serchhip an din a, hruaitu turte pawh insiam nghalin President ah Upa K. Chawiliana, Serchhip Bazar niin Vice President ah Upa Lalchhara, Sialiam Veng leh Lalbiakliana, Bazar Veng te an ni a, Secretary-ah Kapliana Pachuau, Zion Veng ruat niin Treasurer-ah Lalawm-puia Renthlei, Zion Veng ruat a ni bawk.

Serchhip-a mi 30 chuang zet te chu July ni 6, 2016 khan tualchhung chanchinbumite leh Aizawl lam a\anga Zoram Exodus Movement (ZEM) hruaitu lawk te nen Serchhip Khaw-tetlang-a Tourist Lodge ah inhmukhawmin hemi \um hian Serchhip-a Zoram Exodus Movement (ZEM) din hi an lo sawiho tawh a, hemi \um hian hma lo la turin Convener ah mi 3 - Kapliana Pachuau, Lalawmpuia Renthlei leh Jerry Lalrintluanga te ruat an ni a, an ni hian Serchhip khawchhunga Prominent Citizen hrang hrang te kawm kualin tukin khan an inhmukhawm a, hruaitu tur mumal takin an inruat fel ta a ni.

Serchhip a Zoram Exodus Movement (ZEM) President atana ruat Upa K.Chawiliana chuan Inrinni zinga an inhmuhkhawmnaah hian thusawiin, “Pathian leh a Kohhran tana kan rin-awmna aia Party a kan rinawmna kan dah pawi-mawh zawk tlat reng mai hi a ngaimawhawm tawh em em a ni,” a ti a, “Serchhip ZEM hi chuan Pathian leh Kohhran duhdanin ram siam\hat hna a thawk zawk dawn a, Kohhran mipui leh rawng-bawltute telna tlak a ni dawn a ni,” a ti bawk.