Operation Muskaan III nei

Nimin khan Superintendent of Police Conference Hall Serchhipah District Child Protection Unit, Social Welfare Department leh Superintendent of Police, Serchhip \angkawp buat-saihin naupang bo leh vakvaite tanpui beihpui thlakna– Operation Muskaan III neih a ni.
Operation Muskaan III hawnna inkhawm Serchhip SP Conference Hall-a neih ah hianKhuallian, Lalmuanpuia, MPS, Addl. SP Serchhip chuan thusawiin sorkar hian naupangte hi chhungkuaah \ha takin seilian se, khua leh tui \ha tak ni vek se a duh a, chumi atan chuan Operation Muskaan pawh hi buatsaih a ni, a ti a. Sorkarin ram tana \ha tura ruahmanna a siam chu \ha taka bawh-zuitu leh tihlawhtlingtu ni ngei turin kalkhawmte chu a chah a ni.
Operation bul\anna hun kaihruaitui Lalsiampuii, DCPO Serchhip chuan Operation neih dan turte leh Juvenile Justice (Care and Protection of Children) Act, 2015 chungchang ah zirtirna a pe a. Operation Muskaan hi Ministry of Home Affairs hnuaia Police te leh Social Welfare Department ten naupang bo leh tlanbo te, naupang enkawltu neilo vak rawlai te, Children’s Home-a awm naupang nu leh pa neilo leh nu leh pa awmna chin hriat lohte zawnchhuah sak leh an let lehna tur chhungkua buatsaih sak leh zawnchhuah sak hi a tum a nih thu a sawi bawk.
Training zawh hnu hian District Child Protection Unit-a thawk te, Child Welfare Committee leh Police te chuan he Operation in a ngaih pawimawh hmun hrang hrang, vantlang punkhawmna hmun Bus stand, Auto Rickshaw stand, Hotel hrang hrang, Taxi stand leh Bazar te tlawhin henglai hmuna lo awm te chu an hmuh phakah naupang enkawltu nei mumallo a ngaih theih vak rawlai leh naupang bo, enkawltu nei mumallo te an awm leh awmloh an zawtkual nghal a, hi bakah hian Child Care Instructions te pawh thlawhin naupang bo leh vak rawlai an awm em tih an enkual nghal a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai