Mizoram sorkar a Parliament Secretary mi 7 ten an nihna atanga banna an thehlut

Mizoram Sorkar-a Parliamentary Secretary zawng zawng te chuan nimin khan Parliamentary Secretary an nihna a\anga an banna Chief Minister, Lal Thanhawla hnenah an thehlut.
Chief Minister, Lal Thanhawla kaihhruai Congress Ministry-a Parliamentary Secretary mi 7- KS. Thanga, Joseph Lalhimpuia, Col. (Rtd) ZS. Zuala, H. Zothangliana, TT. Zothansanga, K. Lalrinthanga leh Hmingdailova Khiangte te hian nimin tlai dar 4:00 khan Chief Minister, Lal Thanhawla hi hmuin an nihna a\anga banna an thehlut a, an banna lehkhaah hian MLA Election a lo hnaih tak thu leh Party tan hun tam zawk an hman theih nan leh hna an thawh theih nan Parliamentary Secretary a\anga banna thehlut niin an tarlang vek a, an banna hi Chief Minister hian a pawmsak nghal nia thudawn a ni.
Heng Parliamentary Secretary ten an banna lehkha-a an ziah bakah an ban chhan dang leh an sawiah chuan Supreme Court in Assam State tana Parliamentary Secretary te banna tur Order Judgement thla hmasa ni 27-a a siam chu Mizoram tan ni ve lo mahse, Dan siam tu, Legislature an nih vangin zah sak \ul an ti bawk niin an sawi a, Minister nihna beiseina lam pawh anih loh thu an sawi bawk a. Bang tura phutna leh anmahni nawrna engmah a awmloh thu an sawi bawk a ni.
Parliamentary Secretary a\anga banna thehlut ta mi 7 te hi banna an thehluh hma nimin chhun khan MPCC President, Lal Thanhawla chuan an party General Secretary atana ruatna Order a tichhuak a, an rual hian MLA pahnih, Lalrinluiana Sailo leh Nihar Kanti Chakma te pawh Party General Secretary ah hian ruat an ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni