Serchhip-a Chapchar Kut-2017 ropui leh hlawhtling taka hman a ni

Nimin March 24, 2017 khan Serchhip P&E Veng-a Leisekawt Field-ah Chapchar Kut 2017 chu hlawhtling taka hman a ni a,  Serchhip Sub-Hqrs. YMA President, R. Sanghmingthanga chu Kut thlengtu niin Bawrhsap, Dr. Lalrozama, IAS chu Kut Pa a ni.

Chapchar Kut hawnna inkhawm tawi neihah Kut Pa, Dr. Lalrozama, IAS chuan, Chapchar Kut hmang tura kalkhawm zawng zawngte chungah lawmthu sawiin, kumdang zawng aia kumin Chapchar Kut in Serchhip mipuite ngaihhlut a hlawh chu hmuhnawm a tih thu a sawi a. Chapchar Kut chibai a buk a ni. Kut Pa chuan, Hnam-a min siamtu Pathian hrereng chunga kan hnam ziarang leh nihphungte chawinun zel a pawimawh thu sawiin, puitling ten naupang zawkte hnenah zirtira, kan tu ken faten ngaihhlut nachang an hriat chho zel a \ul tak zet a ni, a ti. Tin, kumin Chapchar Kut thupui chu “Aia Upa Zah” a nih angin kan aia upa zawkte chunga nungchang mawi leh \ha zawk kan neih thar theihna bul ni \heuh se a duh thu a tarlang bawk. Bawrhsap chuan tunhmaa kan Pi leh Pu ten Chapchar Kut an hman ang diak diak chuan hman theih a ni tawhlo tih pawh sawiin, amaherawh chu kan Culture vawnnunna atan he Kut hi hman nise a duh thu a sawi a, Mizote chu hmasawn zel tur kan nih thu sawiin, chumi rual chuan kan nunze mawi te pawh kan chhawmnun zel a pawimawh thu a sawi bawk.
He hunah hian Kut thlengtu, R. Sanghming-thanga, President, Serchhip Sub-Hqrs. YMA pawhin thu sawiin, hnam hi a ral tur a ni lova, he hnam ral tur venna a nih chuan a man pek tur chu sang mahse pek kan huam \heuh tur a n, a ti a. “Kan hnam hi humhima a awm zel theih nan a \ul apiang kan ti anga, kan ngaihsan zawng leh ngaihhlut zawngte pawh a \ul ang zelin tih dangl-am kan huam mai tur a ni,” a ti a. Zofate zingah aia upa zahna nung reng sela, ram nuam tak i siam zel ang u, tiin kalkhawmte a chah a. Kut hlawhtling tak a awm theih nana tha thawhtu leh Kut chhimtu zawng zawngte chungah lawmthu sawiin, a kaihhruaina hnuaiah Kut chhimtuten Kut chibai an inbuk tawn a ni.
Nimin a Serchhip-a Chapchar Kut hmanna hi hun thumah \henin hun khatnaah a hawnna inkhawm tawi neih niin thusawi ngaihthlak a nih bakah Hlado chhamin Branch YMA hrang hrang aiawh ten Silai an kap bawk a. Hun hnihna ah Mizo hnam lam, zai leh hnam zia pholang thei Special item hrang hrang chi 24 zet entir a ni a. Heng Item hrang hrangte hi Serchhip Town chhunga Branch YMA hrang hrangte, YMA Chhang te, Sub-Headquarters YMA Cultural Troup te, MHIP te, MUP te leh zaithiam sawm bik H. Vanlalhlana, Laithangpuii leh Lilzo ten an entir a ni a. Serchhip khaw pawn a\angin Sailulak leh Chhingchhip Mualpui YMA Branch ten item pahnih an rawn nei bawk.
Heng bakah hian Chapchar Kut Miss thlanna buatsaih niin Vanlalruati Ralte D/o Lalengliana Ralte, Vengchung Branch YMA chu Chapchar Kut Miss atan hlan a ni a, he huna tel te hian Chhawnghnawt Pui an nei bawk.
A hun \hen thumnaah chuan Concert nuam leh hlimawm tak buatsaih a ni thung a, he hunah hian Serchhip khawchhung leh khawpawn-a zaithiam sawm \hahnem tak an zai a, mipui ten an hlut hle a ni.
Nimin a Serchhip-a Chapchar Kut hman a nih chhan hi, a hun tura ruat March ni 3, 2017 ah Kut hman nana Serchhipa remchang ber ni \hin, Leisekawt Field-ah Mizoram Presbyterian Kohhran Hmeichhe khawmpui lian Pandal sak a nih tawh vangte, khawmpui atana inbuatsaih chhoh vanglai a nih vangte a, State thuneitute rem-tihnaa March 24-a hmang tura sawn a nih vang a ni a. Hetiang hian a hun hi sawn ni mah se Serchhip a Chapchar Kut hman tawha mipui tel tamna ber leh ropui ber nia sawi a la ni thung a ni.

Popular News

Mizoram-ah Faina Hapta hman \an leh a ni

Retailer bukna diklo 3 man