SEDP hmang hian Mizote khawvel thar kan siam ang - Dr. R. Lalthangliana

MNF Vice President, Dr.R.Lalthangliana chuan, “SEDP hmang hian Mizote khawvel thar kan siam ang,” a ti.
Inrinni kaltaa Haulawng khuaa SEDP zirhona hun an buatsaih a hmanpuina ah he thu hi sawiin MNF Vice President, Dr. R. Lalthangliana chuan MNF in tunhnaia an tlangzarh tak SEDP chu NLUP anga instalment-a, sing hnih khat lek leka pek ve zauh zauh ang a ni ve lo tih sawiin, “Sum lokalna tur hre sa veka duan a niin, a bul \anna tur te, a thawhchhunga ei tur chhawmdawlna te, a hralhna tur 'rate' hre sa thlap leh a hralhna tur awm sa a duan a ni,” a ti a. Chhungkua in ram an neih zau dana zir leh 'Trade' a zirin cheng nuai hnih thum tela bul \an sakin chhungtinin eizawnna ngelnghet neih theih nana duan a ni tih sawiin, “Sorkar hna thawk awm ve lohna chhungkua te chu sorkar hna emaw, company leh corporation-a thlatin hlawh an lak theih nan kan siam sak dawn a ni,” a ti a. “Free Medical Treatment pe in, Tar pension thlengin, kan tih pun sak ang a, SEDP hmang hian Mizote khawvel thar kan siam ang. NLUP hi Chepa ni se, SEDP chu Vahrit mai ni lo, Sakhi ang vel a ni ngei ang,” a ti a. An sorkar a\anga Assembly Session hmasa berah Congress in NEDP atana budget a cheng vbc. 750 an dah aia tam SEDP ah an dah nghal dawn tih a sawi bawk.
Kum 2018-ah hian sorkar loh hlauhna an neih tawhloh thu pawh sawiin Dr. Thangtea chuan, “Pathian leh mipui zarah kan sorkar ngei dawn a, chu chu India ram puma politics thleng mek hian a tilang a ni,” a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man