YMA Sub-Hqrs. SEC \hutkhawm neih a ni

YMA Sub-Hqrs. Serchhip chuan nakum-a YMA Sub-Hqrs. Conference chu East Lungdar-ah neih nise an ti a, YMA General Conference neih turah Agenda 5 thlen nise an ti bawk.
YMA Sub-Hqrs. Serchhip hian niminpiah khan YMA Sub-Hqrs. Office, Serchhip Bazar-ah SEC \hutkhawm neiin nakum-a YMA Sub-Hqrs. Serchhip Conference neih tur thlen diltute zing a\angin East Lung-dar chu thlan a ni a, Conference neih hun tur chu la rel fel leh tur a ni ang. YMA Sub-Hqrs. Serchhip hian kumin a YMA General Conference neih tura Agenda tur rawtna lut 19 te thlifimin Agenda 5 chu Central YMA-ah thlen nise an ti a, heng zingah hian Mizoram-a Kohhran hrang hrang ten Baptisma Certificate an pekchhuah \hin ah Hnam-dang leh ramdangmi te a hranpa bik pechhuak tura Central YMA in hma la se tih te, Panchayati Raj System Mizo-ram-ah hman a nih theih nan hmalak nise tih te leh Mau leh rua a lo pun theihna turin Environment & Forest Department in chak zawkin hma la se tih te a tel a, YMA Kumpuan atan ‘Ram leh Hnam humhalh’ tih chu rawt nise an ti bawk. Hei bakah hian SEC \hukhawm hian Central YMA in Aizawl Ramhlun-a leimin tuarte chhawm-dawlna pe tura a ngen angin Rs. 5000/- pek nise an ti a, JN Hospital Serchhip-a Solar Energy din tum mek ah hna \ha tawklo awm leh Eye Ward-a bungrua thleng kimlo nia sawi chu Vigilance & Monitoring Sub-Committee ten lo enfiah se an ti bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai