Serchhip District Student's Science Seminar 2013 neih a ni
 Serchhip District Student's Science Seminar 2013 chu nimin (13th August, 2013) khan Serchhip-a BNRGSK Hall-ah hlawhtling taka neih a ni a, 'Water Co-operation : issues and challenges' tih thupui hmangin zirlai naupang ten intihsiakna an nei a ni. 

He Student's Science Seminar hi District Bawrhsap, Pi Juhi Mukherjee, IAS chuan hawngin Tui chu a lova mihringte kan awm theih-lohna a nih thu leh mihring tana tui pawimawh zia uar taka sawiin, khawvel pum hmun thum a\hena hmun hnih zet chu tui a ni chungin mihring te ei leh in-a hman tlak chu tlemte chauh a nih avangin kan tui neih te kan humhalh \hat a pawimawh thu a sawi bawk. Pu C. Zolawma, District Education Officer kaihhruai he hunah hian Serchhip District chhunga High School 10 a\angin zirlai 16 an tel a, heng zirlai te hian 'Water Co-operation : issues and challenges' tih thupui hmang hian Powerpoint presentation an nei a, a pumpui ah Malsawmzuala Royte, Class-X, St. Peters H/S, Chhingchhip chu pakhatna niin PC. Remruatpuii, Class-IX, Marian H/S, Serchhip chu pahnihna a ni a, lawmman te hi Pu Lalhmangaiha Chawngthu, Principal, Govt. Serchhip College chuan a hlan a ni. Nimin a Serchhip District Student's Science Seminar-a ti\ha thlan-chhuah mi 2 te hian Sept. 6, 2013-a State Level Student's Seminar neih turah Serchhip District ai an awh dawn a, heta ti\ha thlanchhuah leh te hian National Student's Science Seminar October thla a neih turah Mizoram ai an awh leh dawn bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn