Serchhip District khaw tinah Elementary zirna hawn a ni tawh

Serchhip District chhunga khaw awm zawng zawng ah Primary leh Middle School hawn vek a ni tawh.

He thu hi SSA Mission Serchhip District-a District Project Coordinator, Pu C. Lalthanzira chuan sawiin Serchhip District chhunga khaw awm zawng zawngah naupang ten zirna an hmuh theihna turin Elementary School din kim vek a nih tawh thu leh a hnuhnung ber turin kumin hian Thenzawl Vengthar-ah Upper Primary School (UPS) chu hawn a nih thu a sawi a, Village la ni lo, Thenzawl-a PTS-ah pawh UPS hi hawng turin proposal an siam thu a sawi a, hei hi phalna an hmuh tawh thu leh tunah hian Tender tichhuaka a School building pum nen sa nghal tura ruahman mek a nih thu a sawi bawk. Hei bakah hian Pu C. Lalthanzira chuan SSA hmalakna \henkhat pawh tar-langin Serchhip District-a SSA Girls Hostel pahnih awm \hin chu sorkar in ruahmanna a siam angin pakhat ah an chhungkhawm tih a sawi a, hemi ang hian Chhingchhip-ah Girl Hostel chu mi 50 awm theihna tura tihlen a nih thu leh hmeichhe naupang a mamawh apiangte tan Admission tih theih a nih thu a sawi a, he Hostel-a awm te hi Music, Puan\hui leh thildang, naupangte tuina ang zel an zirtir thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai