SERCHHIP BDO LEH MIZORAM STATE RURAL LIVELIHOOD MISSION MANAGEMENT UNIT A THAWK TUR MI THAR TE INKAWM HO

Tunkar Thawhtanni khan Serchhip R.D. Block B.D.O Pu Robert C. Lalhmangaiha, MCS hovin a office chamber-ah Mizoram State Rural Livelihood Mission (MzSRLM) Management Unit a thawk tur mi thar te; hmalakna kalphung tur sawi hovin an thukhawm.

He meetingah hian MzSRLM in inkaihhruaina a siam te leh thil tul dang te thlir ho a ni a, hmachhawp te leh hmalak dan tur te thlir ho niin hmalakna bul tan tur a thil tih tur pawimawhte ngaihtuah a sawiho a ni bawk. Block Mission Management Unit a thawk tur te hi P.C. Vanlalnela, Block Mission Manager leh Cluster Coordinator pathum – Malsawmsangzela, Jeremy L. Renthlei leh Maria Lalmalsawmi te an ni a, an ni hian Serchhip Block Development Officer Office bulah Office hran neiin hma an la dawn a ni.
 MzSRLM hi Sawrkar Laipuiin SGSY thlakna tura Flagship Programme a duan thar; National Rural Livelihood Mission (NRLM) Mizorama kalpuina tur a ni a, a tum ber chu Self Help Group (SHG) lo ding tawh sa sawhngheh leh an inthlunkhawmna (Federation) siam sak a ni.
Mizorama NRLM hmalakna bul tanna Pilot Project atan hian District pahnih – Serchhip leh Kolasib District te thlan an ni a, heng District pahnih a R.D. Block pali te hi hmalak bikna “Intensive Block” ah thlan niin tunah hian hmalakna bul tan mek a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai