NRDWP in Mizoram-a khaw 741 tuam tawh
National Rural Drinking Water Programme (NRDWP) hnuaia Thingtlang khuaa chengte tana tui pek hna kal mekah Mizoram-a khaw 741 tuam chhuah tawh a ni a, khaw 36 chu a then azar tuam a ni tawh bawk. 

PHE Department hotute sawi danin, kum 2005-a an Department inchhiarnaa an chhinchhiah dan chuan Mizorama thingtlang khua 777 awmah kum 2011 chhiarpui-ah mihring cheng an pung hret a, hetah hian NRDWP hnuaia khaw 741 tuamchhuah te chu mi pakhat tan ni khatah tui thianghlim litre 40 pek tura tih zat pek mek a ni a. He scheme hnuaiah hian mi 26,884 hnenah tui dahkhawlna (water harvesting tank) siam sak a ni tawh a, handpump 1857 siam anih tawh bakah Sub-Division hrang hrangah tui thianghlim leh thianghlim loh endikna tur Laboratory 18 bun a ni tawh a ni.
    PHE Department hotute chuan he Scheme hi kum 2009 khan Accelerated Rural Water Supply Prog-ramme (ARWSP) tia tan anih hnuah kum 2010 khan NRDWP tia thlakin chak taka kalpui ni mah se ramngaw a chereu chak avangin tui lakna hmuna tui hna te chu kumtin a tlem tial tial a, khaw hrang hrangah hian mihring cheng an pun zel bawk avangin harsatna an tawk mek tih an sawi a, hemi avang hian State Water Resource Management Committee (SWRMC) dinin YMA te nen tangkawpin Tuihna humhalh beihpui thlak mek a ni tih an sawi. Heng harsatna sukiang tur hian fur tui khawlna tur tuizem engemaw zat pek chhuah anih bakah tui pump engemaw zat siam ni bawk mah se leihnuai tui lak chhuah pawh tlang sanga cheng tan chuan tam tham a pump chhuah theih loh avangin khamkhawp tui neih a harsat thu an sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man