Mizoram hmundangte rualin Serchhip-ah NLUP 2nd Phase sem runpui neih a ni.Serchhip August 08 : Mizoram hmundangte rualin nimin (7th Aug. 2013) khan NLUP 2nd Phase sem runpui chu Serchhip-ah pawh neih a ni a, he hun hi Parliamentary Secretary, Pu Lal Thanzara chuan rawn hmanpuiin NLUP tanpuina hi a sem nghal bawk a ni.


    Nimin a Serchhip-a NLUP 2nd Phase sem runpui Serchhip-a neih ah hian Pu Lal Thanzara chuan Mizoram-ah Political Party hrang hrang ten sorkarna an lo chan tawh thu leh mipuite tan ruahmanna chi hrang hrang an lo siam tawh thu sawiin, amaherawh chu Pathian in mal a sawm dan erawh a inanglo tih a sawi a, NLUP changtlung zawk chu inthlan hmaa an intiam angin an sem mek thu sawiin, NLUP leh sorkar hnathawk hlawh tur sum hnar chu a inanloh avangin mi thenkhat ten ‘NLUP sem avanga sorkar hnathawk ten hlawh an la \ha theilo’ nia an sawi chu thu diklo a nih thu a sawi a, Synod Social Front in an zirchianna ah NLUP dawngtu zaa 20 chu party dang mi an nih thu leh NLUP chu dinchhuahpui tham a ni tih an tih an tarlan thu sawiin, hei vang hian Congress Party mi te chauhin an dawng nia sawi chu thu diklo a nih thu a sawi a, Party \henkhat in kan hmaa inthlanpui neih turah Congress Party chu tlinglo pawh nise NLUP chu sem zui tur tho a ni tih an sawi chu thudik a nih thu pawh sawiin, amaherawh chu heng mite hian sem zui mah se a bak sum an hmu zui ang tih an sawi theilo tih a sawi a, NLUP dawngtute chhawm chhoh zelna turin Exit Protocol pawh an ruahman thu sawiin, NLUP chu dinchhuahpui ngei tura a dawngtute chu chahin, hei hi ringtu kan nihna anga kan bat a nih thu a sawi bawk.
    Serchhip District Addl. DC, Pu Lalsangliana kaihhruai NLUP 2nd Phase sem runpui Serchhip DC’s Conference Hall-a neih ah hian Khual zahawm, Pu H. Lalruata, Chairman, MIFCO pawhin inthlanpui neih hmain NLUP 3rd Phase tanpuina sem hman leh an tum thu sawiin, tanpuina dawng tawh leh la dawng turte chu mahni inbum lova an tanpuina dawn te dik taka hmang turin a chah bawk. He hunah hian District Bawrhsap, Pi Juhi Mukherjee chuan inlawmna thu sawiin NLUP chuan mi lungngai te hnenah hlimna thlenin mitin eizawnna mumal leh sang zawk siam a tum tih a sawi a, kan ram leh a chheh vela thing leh mau chereu turte dodalin boruak thianghlim leh tui hna tam zawk siam thar a tum thu a sawi bawk.
    Nimin a NLUP semna hunah hian NLUP Beneficiary te aiawhin AH&Vety hnuaia Bawng vulh thlangtu Pu G. Lalhmunliana, Serchhip-V huamchhunga P&E Veng ami in thu a sawi a, a bawng vulh a\ang nitin bawnghnute litre 10 chuang a sawr ziah thu te, beneficiary \henkhat phei chuan nitin litre 20 chuang an sawrchhuah tawh thu te a sawi a, tunah hian an bawnghnute sawrchhuah pawh a tam tham tawh avangin MULCO lamah chhun luh then dan te pawh an ngaihtuah mek thu leh Serchhip-a AH & Vety Complex-ah pawh Bawnghnute chhunkhawmna tur hi peihfel a nih tawh thu a sawi bawk. Hei bakah hian Village Level Implementing Committee te aiawhin Pu Lalramliana Sailo, VCP, Serchhip-III pawhin thu a sawi a, NLUP in an khawtlanga hmasawnna hmuh theiha a thlen tir avangin Chief Minister leh a thawhpuite, Line Department officials te leh Beneficiary mi taima tak tak te chungah lawmthu a sawi bawk. Inkhawm hi Pu Robert C. Lalhmangaiha, MCS, NLUP Nodal Officer, Serchhip District-in lawmthu sawina hun hmangin a khar a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai