HPC (D) chungchangah zawldawh takin sorkar kal tum.
    Mizoram Pradesh Congress Committee (MPCC) President, Pu Lal Thanhawla chuan HPC (D) nena sorkar inbiakna tlawlh rih mahse keini chuan zawldawh takin kan la be renga kan la inhawng reng a ni, a ti.

 He thu hi nimin (16th Aug. 2013) a an Party Office Congress Bhavan-a inkhawm neih a sawiin Chief Minister ni bawk, Pu Lal Thanhawla chuan HPC (D) nen a hmaa inkahhaina nei reng kha tunah chuan inkahhai an duh tawh lo tih sawiin, he thil hi engti kawng zawng pawhin kan khap dai thei a, tharum an tih pawhin tharumin kan khap dai thei, mahse inphahhniamin kan la be zel a ni, a ti a, "Kan ramah helna leh ralthuam chelekna awm tawh lo se kan ti a, chuvangin kan la be zel a, an rawn chhan \hat loh chuan tihngaihna a awm tawh dawn lo," a ti. Mizote chu chibinga kal tham kan nih loh thu sawiin kan zavaia Mizo kan nih mai hian pawn lam mite pawhin min zah a ni, a ti a, HPC(D) chungchang sawi chhunzawmin, "Zawldawh taka kal zel kan tum a, a \ul erawh chuan a \ul ang angin kan kal ve thei tho a ni, zawldawh taka kan kalna hi \ha taka min chhan kan beisei a ni. Remna leh muanna hi kan duh a, remna leh muanna tel lo chuan hmasawnna a kal chak thei lo a ni," a ti bawk. Hei bakah hian Pu Lal Thanhawla chuan NLUP chu Pathian lam\ang programme a nih thu sawiin, Bek a thlan luang zawih zawiha ei hmu tura tih kan ni a, NLUP hi Pathian lam\ang a nih avangin nasa takin malsawmna kan dawng a. A dawngtute'n rim taka inthawh a ngai a ni, a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man