Corrupt vek-a puhtu mihring leh pawl te vote duh ringlo.

Art & Culture Minister, Pu PC. Zoram Sangliana chuan, ‘Mizoram-a sorkar hnathawk zawng zawng, Peon leh Chief Secretary thlenga Corrupt vek maia puhtu mihring leh a pawl chu sorkar hnathawkte chuan an vote duh hauhin ka ring lo, a ti. 

He thu hi Institute of Music and Fine Arts-a zirlai Batch 59-na thlahna programme, nimin a Aizawl Vanapa Hall-a neih a hmanpuina ah Pu PC. Zoram Sangliana chuan a sawi a, ‘Kan ti ang kan tih hi kan ti \hin em? Nge, a thluk chauh kan ti mawi tih hi, min chik fo tur leh thutiama ding lo te chu vote zui zel kan ba lo tih mipuiten hriat a \ha hle, a ti bawk. Pu PC. Zoram Sangliana chuan Institute of Music & Fine Arts inn kum 34 chhungin batch 59, \halai za tel an zitir tawh thu sawiin, hun hmasa lamah chuan \halai ten mahni tha leh zungte sengin phur takin hnam thil a nih avanga ngaihluin an zir hlawm \hin a, mahse tunah chuan zirlai te tan Stipend te buatsaih tawhin IMFA kaihruaina atan Syllabus duan a, Prospectus te ruahman an ni tawh a ni, a ti a. Cheraw hmanga World Record \halaiten an siam a\anga culture leh tradition-a harhtharna a then thu sawiin, Department sum neih ang angte hnam incheina subsidy-a pekchhuah sen loh khawpa tam dilna ramchhung leh ram pawna Mizo fatea a lo thlengte hi thil chhuanawm tak a ni, a ti bawk. Institute of Music and Fine Arts (IMFA) hi Art & Culture Department hnuaia awm niin 1979 vel khan din a ni a, IMFA hnuaia Dance Wing bikah hian seat 30 awmin zirlaite chu Mizo hnam lam chi hrang hrang leh hnam zai hrang hrang te an zirtir \hin a, Music Wing hnuaiah hian seat 20 awmin rimawi chungchang leh rimawi rem dan chipchiar takin an zirtir \hin bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man