Silai kah zirna leh inelna Serchhip-ah buatsaih a ni

Serchhip District Rifles Association buatsaih 10 meter Air Rifles leh Pistol inkahsiakna chu Inrinni khan Serchhip Indoor Stadium-a Shooting Gallery-ah neih a ni.
Serchhip District Rifles Association hian April 29, 2016 (Nilaini) a\ang khan Shooting Gallery-ah hian Air Rifles leh Air Pistol Shooting Training an buatsaih a, he hunah hian National Shooter, Ramnunsanga chu Coach-ah ruaiin mi \hahnem takin Silai kah hi an zir a. He Silai kah zirna kharna Ni, Inrinni khan Silai inkahsiakna hi an buatsaih ta a ni.
Tun \uma Air Rifles leh Air Pistol inkah-siakna hi Serchhip District Sports Committee-a Secretary, David Laldintluanga chuan hawngin Serchhip District Sports Committee-a Affiliated Association 20 vel zingah Rifles Association chu Association nung pawl tak a nih thu a sawi a, hetianga Coach te ruaia training buatsaih a ni chu lawmawm a tih thu a sawi bawk. Hei bakah hian infiamna chu eng infiamna pawh nise, kan luhchilh a nih rau rau chuan theihtawp chhuah a pawimawh thu pawh sawiin, tih tak takna leh theihtawp chhuaha luhchilh tan chuan eizawnna a awm zel tih a sawi a. Infiamna chi hrang hrangte chu ruihtheih thil nena tih kawp chi a nih loh thu a sawi bawk. Tun \uma Silai inkahsiakna ah hian 10 Meter Air Rifles inkahsiakna ah Mipa leh Hmeichhia tan Junior leh Senior-ah inelna neih a ni a, 10 Meter Air Pistol inkahsiakna ah Mipa tan Junior leh Senior-ah inelna buatsaih a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn