Serchhip-a Sports Stadium-a hnathawh \halo siam\hat a nih theih nan YMA in hmalak zui an tum

Sub-Hqrs. YMA Serchhip-a Vigilance & Monitoring Committee chuan Inrinni kalta tlai khan Serchhip Hmar Veng-a Sports Stadium sak mek chu tlawhin hnathawh kal mek an enfiah a. Stadium sak hna thawh meka \ha tawklo leh siam\hat ngai nia an hriat te siam\hat a nih theih nan hmalak zui an tum thu an sawi.

Serchhip Hmar Veng-a Sports Stadium tlawhtu Sub-Hqrs. YMA Vigilance & Monitoring Committee hruaitute chuan Field chhuta Artificial Grass phahna tur siam mekah a chhuatphah hnuai ber (First Layer)-ah 100 - 150mm a lian lung (boulder) hman tura tih a nih laiin mihring lu tiat tiat leh a aia lian te an hmang fur hlawm tih sawiin, Second Layer ah hian 40 - 60mm a lian lung hman tur a ni a, Third Layer ah 10 - 20mm a lian hman tur niin an sawi a. Anmahni lo dawngsawngtu he hna thawh meka Contractor, Probal Agni Hotri leh NBCC Engineer Mithun Das te chu Design leh Drawing te en an dil a, amaherawh chu an kawl rihloh thu thawktute chuan an sawi avangin Vawiin, May 1, 2017-a en theih tura lo dah turin an ti a. Hei bakah hian Official Gallery-a \hutna rem sa pawh chep lutuk leh mihring \hu an awm a nih chuan kal vel a harsa dawn nia a lan avangin siam\hat leh an duh thu an sawi a. Hei bakah hian hnathawh \halo hrang hrang nia an hriat te pawh an sawilang bawk a ni.
Hetianga Stadium an tlawh zawh hnu hian helai hmun tlawhtu Vigilance & Monitoring Committee te leh Sub-Hqrs. OB te chu Sub-Hqrs. YMA Office-ah \hukhawmin Football Ground First Layer (a foundation tur ber) a an lung (Boul-der) hman lian lutuk te, Third Layer-a lei an chhung te, Third Layer chung, Artificial Turf phah hma chiaha Alkatra hmanga Metalled tur ni lo anga Contractor ten an sawi te, Official Gallery a Plastic Chair Fixed a an dah inhnaih lutuk, a kara mihring kalna awm lo te chu zirchian nise, Contractor leh NBCC Engineer ten Stadium leh Field Drawing leh Design te, Field Specification an thehluh te chu zirchiangin, hemi hnu hian a \ul anga a hmun hi tlawh tura UD&PA Minister pawh sawm nise an ti a. Drawing leh Design ang lo a siam a nih chuan Drawing leh Design ang taka phul lem hi phah ngei a nih theihna tura hmalak zui nise an ti a ni.
Inrinni kaltaa Sports Stadium sak mek tlawhna ah hian Sub-Hqrs. YMA hruaitute bakah YMA te sawmna angin  Serchhip PWD Division-a EE, Er. Zothangsang Intote leh Lushai Engineering a Project Manager, Anthony Zothansanga te pawh an tel a ni.
Serchhip Hmar Veng Complex Field-a Football Stadium sakna tur lungphum hi 9th Oct. 2010 khan phum niin a tirah chuan thla 18 chhunga sak zawh tura tih a ni a, NBCC hnuaiah BGM Company ten Stadium sak hna hi thawkin amaherawh chu an hna a muan avangin anni hi tihtawp an ni a. Hemi hnu kum 2016 kumtir lam khan Agni Shanti Pvt. Ltd. te chuan Stadium sak hna hi chhunzawmin cheng vbc. 11 sengin Stadium hi sak a ni a, tunah hian Pavillion Block chu zofel thawkhat tawhin mipui \hutna tur Block hrang hrang te pawh peihfel thawkhat a ni tawh a. He Stadium-ah hian mipui 5000 leng thei tura beisei niin, VIP Block ah \hutna 1000 dah a ni. He Stadium-ah hian Artificial Grass pawh phah tur niin heng te hi Serchhip rawn phurh thlen a ni tawh bawk a, tunah hian Field chhuat siamrem hna chu thawh mek a ni.

Popular News

Mizoram-ah Faina Hapta hman \an leh a ni

Retailer bukna diklo 3 man