Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip SDEO hnuaia Middle School zingah Hindi Zirtirtu neilo School 21 zet an awm

Centrally Sponsored Scheme (CSS) hnuai Hindi Teachers te an hna tihtawp a nih hnuah Serchhip SDEO hnuaia Middle School hrang hrangah Hindi Zirtirtu neilo \hahnem tak an awm mek a, hetihlai hian Middle School zingah hian Hindi zirtirtu pakhat aia tam nei zirna In 4 lai an awm thung.
Sub-Divisional Education Officer (SDEO) Serchhip Office a\anga thu kan dawn danin Serchhip SDEO hnuaiah hian Middle School 58 awm mekin heng te hi Govt. Middle School 29, SSA hnuaia din Middle School 2, Lumpsum Aided Middle School 3, Deficit Middle School 2, Adhoc Aided Middle School 3 leh Private Middle School 19 te an ni a, heng zingah hian Hindi Teacher neilo hi School 21 lai an awm mek a, hei hi Middle School awm zawng zawng a\anga chhutin za zela 36.20 zet a tling phak a ni. Thudawn danin CSS hnuaiah hian Serchhip SDEO hnuaiah Hindi Zirtirtu mi 47 rawih \hin an ni a, heng mite hnathawh hun chhung hi kumin February thla khan a tawp tak avangin School tam tak chuan Hindi Zirtirtu hi an neilo mek a, Hindi zirtirtu neilo School hi 21 zet an awm ta a ni.
Serchhip SDEO Office hian Serchhip khawpui chhung bakah hmar lamah Khumtung khua thleng huamin Chhim lamah Bungtlang khua thleng a huam bawk a, khawchhak lamah Hmunzawl, Hmun\ha, Khawbel, Hualtu leh Lungpho leh a chhehvel thlengin a huam bawk a, Serchhip SDEO hnuaiah hian Hindi zirtirtu a ngheta thawk mi 22 an awm a, heng te hi School hrang hrangah semdarh ni mah se School tam tak chuan Hindi Zirtirtu hi an neilo mek a, hetianga Middle School tam takin Hindi Zirtirtu an neihloh lai hian School pali (4) ah chuan Hindi Zirtirtu hi pakhat aia tam an awm thung a ni.
Thudawnna chuan Middle School zawng zawng, Private School te nen hian Hindi Zirtirtu pek vek tur an ni kher lo tih sawiin, amaherawh chu CSS hnuaia Hindi Zirtirtu rawih an nih lai kha chuan zirna In te hian Hindi Zirtirtute hi an nei deuh vek a, amaherawh chu sorkar laipui in CSS Hindi Zirtirtute a rawih hun a tawp tak avangin rawih zui mai theih an ni ta lo a ni. Academic Session thar ah thla khat vel zirna In hawn a nih tawh hnuah pawh School tam takin Hindi zirtirtu an neih loh avang hian harsatna an tawk mek nia thudawn a ni bawk.

Comments

Popular News (Last 30 Days)